Actividad fisico ta contribui na un mihor salud en general y na un mihor sistema inmunológico

ORANJESTAD – En conexion cu e campaña di conscientisacion Boost bo defensa, Departamento di Salud Publico kier emfatisa cu nos mihor defensa contra malesa ta nos sistema di biba.

Boost your defense – actividad fisicoNos manera di biba pa un gran parti ta determina con fuerte nos curpa ta pa defende su mes contra bacteria y virus dañino.

A keda comproba den diferente estudio cu haciendo actividad fisico regular ta mehora bo salud fisico y mental.

Pa cuminsa haci actividad fisico bo no mester bira miembro di un team of gym. Bo por haci actividad fisico na tur momento y en principio tur caminda.

Palabra cu un grupo di famia of amigo pa haci un caminata den naturalesa. Bay landa y difruta di nos beachnan mas biaha. Trata na tur momento incorpora mas movecion den bo bida diario.

Nos lo por consehabo sigui un webinar of training on line pa bo por siña mas of pa un training un tiki mas personalisa y pa nan por wak si bo ta haci tur movecion corecto semper bo por atende un di e gym nan den bo bario.

Asina ta ban lanta para y walk it off! Inverti den bo mente y curpa. Den bo tempo liber trata na sinta menos. Traha mas den cura of pafo, planta mas mata di fruta of berdura, combersa cu bisiña.

Ban sigui cuida nos mes y nos sernan keri, y ban Boost nos defensa!

#HaciActividadFisico
#BoostBoDefensa
#DVGAruba

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options