Accion pa cobra hende cu debe boet

ORANJESTAD - Ministerio Publico ta bastante satisfecho cu e prome resultadonan di e accion pa cobra boet habri.

Recientemente Ministerio Publico a accelera e accion aki di cobra boetnan cu falta di paga. Esey door di anuncia cu CEA lo bishita personanan cu debe boet entrante prome di november y hiba nan pa sinta nan detencion preventivo den KIA. Anteriormente na juli 2021 a start cu para pasaheronan na aerpuerto cu tabatin boetnan cu falta di paga.

pag'e o sint'eUn balente cantidad di persona cu tabata debe boet a cumpli cu e yamada di Ministerio Publico pa bin paga. Anto pesey cu Ministerio Publico a dicidi pa warda un tiki mas cu laga CEA sali pa cuminsa ehecuta e boetnan habri. CEA lo start awor te mitad november cu bishita hende na cas y transporta nan pa KIA, envez di e siman aki, manera anuncia luna pasa.

Ministerio Publico ta haci un yamada urgente na personanan cu debe boet pa pasa paga. Bo persona por paga online via e cuenta bancario 4000905 di ArubaBank bao mencion di e parketnummer. Bo persona por swipe tambe na balie di Ministerio Publico. Areglonan di pago no ta posibel mas pa personanan cu tin un condena irevocabel pa infraccionnan di trafico.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options