Accion Gara Boa (gearchiveerd)

E idea ta pa gara e boa bibo p’asina por distingui e boa jong for di e cascabel y e santanero cu ta biba den e naturalesa di Aruba. Contrario na e dosnan ultimo menciona, e boa constrictor ta causando basta daño na e naturalesa Arubano, comiendo specialmente parhanan.
Parke Nacional Arikok lo bay organisa diferente charla pa duna informacion tocante e boa, esta con por distingui e boa jong for di e cascabel y santanero, con pa gar’e etc.
Por entrega tur boa na Parke Nacional for di dialuna pa diadomingo entre 7 or di mainta te cu 3 or di atardi y lo registra nomber di e persona y e boanan. Servicio Veterinario na su turno lo percura pa un morto eticamente responsabel pa e boanan y e cuero lo bay pa Fundacion Arte Sano.
Actualmente no ta mira e boa solamente den Parke Nacional Arikok, pero ta hay’e rond Aruba. Pa e aña aki a registra como shen boa gara.
E accion Gara Boa ta pa mantene e cantidad di boa na un nivel cu e no por causa demasiado daño na e naturalesa di Aruba.