A toca diferente puntonan, peronprimordialmente e reapertura di frontera cu Venezuela. A duna un splicacion amplio di e grupo di trabou cu ta preparando pa cu esaki, como tambe e analisisnan pa loke ta e impacto di esaki, teniendo na cuenta e parti di siguridad.
Segun e mandatario, e ta wak bek riba un reunion sumamente positivo, caminda manera menciona, a toca e tema di e reapertura di nos fronteranan. Sinembargo, manera ta conoci, Aruba a duna di conoce caba cu, na un manera gradual, lo kier habri e fronteranan bek, pa cual motibo tin un grupo di trabou actualmente cu ta haciendo un analisis di kico lo ta e impacto di esaki. E punto di salida ta cu, lo kier haci e reapertura na un manera responsabel, y pa e motibo aki, mester tene cuenta cu diferente faceta.
A analisa diferente partinan di e reapertura, caminda Sr. Schuddeboom tambe a splica kico e situacion ta actualmente na Venezuela, como tambe con nan ta wak e parti di reapertura. Ta asina cu lo ricibi un actualisacion cada dos siman di e grupo di trabou, y tur e trabounan cu nan ta prepara pa loke ta e impacto den cuadro di e contexto financiero tambe, cual ta un punto cu tambe a wordo treci padilanti.
Por ultimo, aunke e landspakket ta indica cu no lo tin un recorte pa loke ta e gastonan di personal den husticia, e realidad ta, cu ta hopi dificil pa por emplea mas personal den e diferente departamentonan cu tin un rol sumamente importante pa garantisa siguridad na nos frontera. Dentro di e contexto aki, a duna un splicacion amplio riba esaki, y lo continua cu e trabounan. Dentro di poco ful e analisis di e grupo di trabou aki lo ta cla y lo wordo comparti na su debido tempo cu socionan di Hulanda.
Share this page