Minister di Infrastructura, como tambe Minister di Naturalesa ta tumando paso pa trata e problema di maneho di awa preto na Aruba. Un di e preocupacionnan mas grandi ta e planta di tratamento – RWZI – cu a keda neglisha pa varios aña y a bira un fuente di polucion.
Como resultado, Utilities Aruba N.V. awor ta bay haci e proceso di privatisacion di e facilidad y su bienes, cu e meta di actualisa y mantene e planta. E privatisacion lo tuma luga pa fin di maart.
Durante e pandemia di COVID-19, a resulta cu mayoria di awa preto cu ta yega RWZI Bubali ta bini for di e sector hotelero, lo cual a resulta den introduccion di un costo di procesamento pa concentra riba esnan cu mas ta genera awa preto.
E intencion ta pa basa e “business case” di RWZI riba bende e awa purifica bek na hotelnan y sector agricultural. Esaki lo yuda pa reduci e cantidad di awa preto cu ta wordo drispidi y duna un fuente di entrada pa e facilidad por mantene su mes.
Tambe ta tumando den consideracion e area di saliña como parti di e plan general pa e awa purifica, pa asina stimula un fluho di awa cual lo sostene flora y fauna, stimulando biodiversidad.
E plan pa conecta e 5 area di saliña cu otro – “Western Wetlands” – tambe ta parti di e plan y vision di Ministerio di Transporte, Integridad, Naturalesa y Asunto di Adulto Mayor pa privatisa RWZI.
Share this page