A haci presentacion di e plan na San Nicolas Business Association, Nicolas Gordon di Nicolas Store, Tito Bolivar di Art Fair y un representante di DOW.
Despues di varios reunion y input di e profesionalnan y stakeholders, arkitecto ir. Raffy Kock a crea e prome diseño pa centro di San Nicolas. E accento ta pa sigura cu San Nicolas ta mantene su elemento y influencia cual ta haci’e unico, mientras ta tuma bentaha di su recursonan natural - manera nos lama - pa por mehora e area completo economicamente.
Loke a resalta den mayoria ronda di consulta cu e stakeholders ta cu e revitalisacion mester resulta den un clima di inversion pa San Nicolas, mientras mester mehora e bienestar di esnan cu ta biba pariba di brug. Den e diseño a crea un area cu tur elemento necesario pa por biba, recrea, haci negoshi of traha, den un ambiente sigur, bunita y cu acceso na diverso facilidad y actividad den e area.
Fase 1 di e revitalisacion di San Nicolas ta inclui areanan di recreacion familiar y facilidad pa practica deporte den aire liber.
"San Nicolas tin hopi recurso y oportunidad pa ofrece, tambe tin hopi opcion y opinion riba mesa.
Ta ideanan cu mester tuma den consideracion conhunto custakeholders y expertonan pa por defini un modelo cu tin mas beneficio social-economico posibel pa San Nicolas", minister Wever a termina bisando.
Share this page