A presenta e prome manual di regulacion pa e centronan di cuido di mucha

ORANJESTAD – Recientemente Departamento di Mucha y Hoben (DMH) conhuntamente cu Minister di Husticia y Asuntonan Social Rocco Tjon, a tene un encuentro informativo y interactivo cu e centronan di cuido di mucha na Aruba.

Durante e encuentro informa e centronan di cuido di mucha riba diferente topico relaciona cu e implementacion di Ley di Kinderopvang pa Aruba.

E topiconan cu a bin dilanti e anochi aki tawata:

  • Handleiding Kwaliteitseisen Kinderopvang Aruba;
  • supervision den centro di cuido di mucha;
  • implementacion di Codigo di Proteccion den centro di cuido di mucha;
  • e plannan pa futuro.

Presentacion prome manual di regulacion pa e centronan di cuido di mucha.Presentacion prome manual di regulacion pa e centronan di cuido di mucha.Minister Tjon a accentua e importancia di e anochi aki, caminda a enfoca riba e documento final, esta e ‘Handleiding Kwaliteitseisen Kinderopvang Aruba 2022’, cual ta parti den cinco paso y e rekisitonan minimo necesario pa un centro di cuido di mucha por opera.

Pa loke ta e trayecto di e manual di regulacion, por bisa cu ta trata di un trayectoria cu a tuma su debido tempo. For di november 2019, na momento cu sra. Sue-Ann Ras (Coordinadora Nacional Implementacion di Ley Kinderopvang) a tuma e liderazgo den implementacion di e Ley Kinderopvang, a inicia cu un Nulmeting den e centronan di cuido di mucha. E Nulmeting aki tawata traha a base di e puntonan cu tabatatin den e concepto di e documento, ‘Handleidingsvoorschriften Kinderopvang’, traha door di un Stuurgroep Kinderopvang di 2015-2017.

Despues cu e stuurgroep di 2019-2021 a analisa e resultado di e Nulmeting (2020/2021), a opta pa revisa e manual di regulacion di 2015-2017 completamente. Asina por a determina kico, realisticamente, por bay den e manual nobo, pa asina no tin consecuencia grandi of di un peso financiero impactante pa e centronan di cuido di mucha. E concepto di e manual aki a bay tambe pa tur centro di cuido di mucha como tambe FPNM, pa asina nan tambe por aporta pa loke ta contenido.

Presentacion prome manual di regulacion pa e centronan di cuido di mucha.  Presentacion prome manual di regulacion pa e centronan di cuido di mucha.  Presentacion prome manual di regulacion pa e centronan di cuido di mucha.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options