A incorpora Inmigracion Aruba

ORANJESTAD – Riba 21 di mei 2021, minister mr. Andin Bikker, den presencia di representantenan di Sindicatonan TOPA, SEPPA y SPA y e Hefe encarga cu e departamento sr. Andrew Hoo, a firma e decreto di incorporacion di un departamento nobo: Inmigracion Aruba.

Pa por a logra cu e servicionan di e departamento conoci como IASA por wordo incorpora den un organisacion nobo yama Inmigracion Aruba  mester a yega na un asina yama ‘Instellingsbesluit’ y ‘formatieplan’.

Reunion riba 21 di mei 2021 minister mr. Andin Bikker, den presencia di representantenan di Sindicatonan TOPA, SEPPA y SPA y e Hefe encarga cu e departamento di Inmigracion sr. Andrew Hoo, relaciona firmamento decreto di incorporacion di un departamento nobo: Inmigracion Aruba.Reunion riba 21 di mei 2021 minister mr. Andin Bikker, den presencia di representantenan di Sindicatonan TOPA, SEPPA y SPA y e Hefe encarga cu e departamento di Inmigracion sr. Andrew Hoo, relaciona firmamento decreto di incorporacion di un departamento nobo: Inmigracion Aruba.Pa por a haya un sosten amplio minister Bikker a reuni desde 2018 cu representantenan di Sindicatonan TOPA, SEPPA y SPA, hunto cu representantenan di Departamento di Recurso Humano (DRH). Den e lunanan di februari-maart 2021 a bin logra yega na un consensus. 

E importancia di e logro aki ta entre otro cu awo e posicion huridico y e perspectiva laboral di e trahadornan concerni ta miho structura. Ademas e tareanan di e organisacion a wordo miho formula den cuadro di e retonan nobo na frontera debi na circumstancianan regional y global. 

Ademas varios promocionan di trahadornan cu tabata pendiente pa hopi aña cu awor a haya un perspectiva real. Tin trahadornan por ehempel cu ta wardando riba promocion desde 2013 y sinembargo no mira un resultado. Den e organisacion nobo cu un structura y formatieplan nobo awo tin perspecitva cu porfin por atende cu  e promocionan. 

Servicio di Inmigracion
Nan ta e prome y ultimo cara cu e mas di 1 miyon turista cu ta yega nos isla anualmente ta mira, nan ta e servicio di Inmigracion cu diariamente ta spacha miles di turista y local cu ta drenta y sali di Aruba, sea ta na aeropuerto of na e wafnan di nos isla.

Reunion riba 21 di mei 2021 minister mr. Andin Bikker, den presencia di representantenan di Sindicatonan TOPA, SEPPA y SPA y e Hefe encarga cu e departamento di Inmigracion sr. Andrew Hoo, relaciona firmamento decreto di incorporacion di un departamento nobo: Inmigracion Aruba.Reunion riba 21 di mei 2021 minister mr. Andin Bikker, den presencia di representantenan di Sindicatonan TOPA, SEPPA y SPA y e Hefe encarga cu e departamento di Inmigracion sr. Andrew Hoo, relaciona firmamento decreto di incorporacion di un departamento nobo: Inmigracion Aruba.E historia di Migracion na Aruba
Desde 1969 pa 1986 Migracion tabata cay bou Korps Politie Nederlandse Antillen, pero despues di Status Aparte nan a cay bou di Cuerpo Policial Aruba (KPA). Dia 1 di september 2002 e departamento a pasa completamente bou di Dienst Immigratie Naturalisatie Aruba (DINA). Na 2006 a bin un splitsing, 

DINA a bira DIMAS y Migracion a bira IASA. Desde aña 2006 pa 2009, IASA a keda su so, consistiendo di directiva, Migracion, Guarda Nos Costa y Radar. Na September 2009 a kita radar pero IASA a keda cu Guarda nos Costa y Migracion. Na aña 2011 e personal di Guarda Nos Costa a pidi pa resorta bou polis bek y consecuentemente IASA a keda cu Migracion so. Pero na 2018 personal di Guarda Nos Costa un biaha mas a pidi pa cay bek bou IASA, a purba uni nan bek. Na november 2019 e personal a indica cu ta mas efectivo pa Guarda Nos Costa bira un departamento riba su mes. Awo a logra pa institui Inmigracion Aruba. Tur esaki den cuadro di reenforsa nos frontera y promove un miho ambiente y perspectiva laboral pa e trahadornan.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options