A aproba compra di dos ambulance nobo “state of the art”

ORANJESTAD – Riba 9 di januari 2023,  Minister di Turismo y Salud Publico sr. Dangui Oduber a informa cu a tuma e decision conhuntamente cu AZV pa cumpra dos vehiculo di ambulance nobo.

compra di dos ambulance nobo “state of the art”.E dos vehiculonan di ambulance ta hopi moderno den tecnologia y nan lo reemplasa e flota existente.

Na aña 2018 a haci compra di e unico ambulance moderno y nobo cu Aruba tin, e dos nan na caminda lo ta di mesun modelo.  Di e forma aki Aruba lo tin 3 ambulance nobo cu e personal di ambulance lo haci uzo di dje.  Pa asina nan sigui brinda e excelente servicio cu nan ta duna na comunidad y pa salba bida di hende. Sigur un noticia sumamente positivo den cuadro di mehoracion di cuido na Aruba.

Aña 2022 tabata un aña cu hopi reto den salud publico caminda mester a sosode varios recorte. Sin embargo danki na e “Exit Strategy”, Aruba a conoce un recuperacion economico acelera cu a surpasa tur expectativa. Esaki a trece e espacio financiero cu a haci posibel cu AZV por a financia e compra di dos ambulance nobo. Si tur cos cana segun plan Aruba lo ricibi e dos ambulance nan aki den e tercer kwartaal di 2023.

Finalmente e mandatario a gradici e personal di ambulance y tambe e personal di Imsan pa tur e trabounan cu nan ta haci pa comunidad salbando bida di hende tur dia.

compra di dos ambulance nobo “state of the art”.     Ambulance IMSAN

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options