69 caso di Chikungunya registra na Aruba.

Te cu november 2014 un total di 318 caso sospechoso a wordo notifica na DESPA door di diferente dokter di cas y laboratorio na Aruba. Aruba ta conta awe cu 69 caso confirma di Chikungunya di cual 7 di e casonan aki ta personanan cu a keda infecta na Aruba mes.

Chikungunya, mescos cu Dengue, ta un malesa viral cu ta wordo transmiti door di e sangura Aedes aegypti. Aedes aegypti ta un sangura preto cu tin strepi blanco ariba su curpa y pia. E ta un sangura cu ta biba principalmente caminda cu tin hende.
DESPA ta pidi cada ciudadano pa proteha su mes contra picadura di sangura.
Elimina criadero manera cualkier obheto cu ta contene awa, taira bieu , bleki, bar, hemchi  , scoter bou di mata,  baki di tira sushi. Si cerca abo of un miembro di bo famia presenta keintura, calafriu, dolor di cabes, dolor di musculo y/of weso (joints) of rash na curpa, tuma contacto mes ora cu bo dokter di cas.

Pa mas informacion por consulta e foyeto adhunto:
 

• Flyer Dengue Chikungunya