17 caso mas di e variante di Reino Uni, 2 di Brasil y 5 di California a keda identifica na Aruba

ORANJESTAD - Manera ta conoci laboratorio di hospital ta manda tur siman un cierto cantidad di testnan positivo di Covid-19 Hulanda pa wordo analisa.

Di lotenan cu a wordo manda e total di variantenan di precupacion (VOC) identifica te awor ta; 114 caso di Reino Uni, 2 di Sur Africa y 3 di Brasil. Pa loke ta total di e variantenan di interes (VOI) e cantidad di Mexico ta 8 y di California a bira 8.

Covid-19 varianteCovid-19 varianteUn mensahe ta bay na henter nos comunidad pa limita salimento no nesesario, sea extra cauteloso y sigi cumpli firmemente cu tur medida y reglanan di distanciamente social, uzo di tapa boca y laba man frecuentemente y haci uzo di oportunidad pa registra pa vacuna. Corda bon cu no ta permiti actividad social na cas. E variantenan aki ta mas agresivo y contagioso y por causa problemanan serio di salud y compromete e capacidad di cuido na nos Hospital. Na momento cu bo sinti sintoma, isola bo mes y yama bo doctor di cas pa bo bay haci test. No keda move rond wardando resultado, keda cas y evita di sigui plama e virus. Solamente uni cu diciplina y solidaridad, nos lo reduci e plamamento di e virus y sigui move den direccion di Aruba su recuperacion y progreso.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options