HomeActualidadNoticia15 di februari proximo ta bira e ultimo dia pa paga impuesto pa vehiculo di motor 2017

15 di februari proximo ta bira e ultimo dia pa paga impuesto pa vehiculo di motor 2017

Dit item is gearchiveerd op 28-02-2017.

ORANJESTAD – Departamento di Impuesto ta participa cu dia 15 di februari ta bira e ultimo dia pa paga por lo menos e prome mita di aña di impuesto pa vehiculo di motor di aña 2017.

Pa ley e fecha final ta 31 di januari pero den deliberacion cu Minister di Finansa a dicidi pa extende e termino te cu dia 15 di februari proximo.

Departamento di Impuesto ta spera cu asina su clientenan por haya mas tempo pa cumpli cu e pago.

E recomendacion ta keda si pa no warda te na ultimo momento pa haci e pago concerni. Alabes ta recomenda e clientenan cu tin e posibilidad pa paga via banco, pa haci esaki sea personalmente of online.

Si ta bay paga via banco mester tene cuenta cu e gasto di Awg. 3,- (mitar aña) of Awg. 6,- (ful aña) pa por ricibi e stickernan tambe.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options