Tambe riba e dia aki ta conscientisa riba e impacto di malesa di riñon y e problemanan di salud cu e ta ocasiona rond di mundo.
Diaranson ta un dia pa sensibilisa y crea conscientisacion riba e salud di nos riñon. E aña aki WHO tin como tema #kidneyhealthforall, esta “Un riñon saludabel pa tur”.
Pa prome biaha den historia di Aruba Ministerio di Salud Publico tin un maneho di prevencion (“national multi-sectoral action plan for NCD’s 2020-2030”) cu ta reconoci pa WHO y PAHO. Esaki ta e plan nacional di prevencion di malesanan di NCD’s. Esaki ta un plan pa preveni malesanan manera cancer, diabetes, cardiovascular, stroke y respiracion cronico.Tur e malesanan aki ta pisa hopi riba e gastonan di AZV, por ehembel diabetes ta ocasiona cu bo riñon nan ta stop di funciona optimal y conscuentemente bo lo mester dialysa. Un pashent cu ta dialysa tin un costo di 100 mil florin anual pa AZV y tur e malesanan aki por a preveni.
Pa un riñon saludabel prevencion ta di suma importancia pa por yuda ricibi e cuido medico na tempo. Problema cu riñon kiermen cu un persona su riñon no ta funciona pa motibo di daño. E riñon ta e organo cu ta filtra exceso di likido y sushi den nos sistema y ta mantene e balansa den nos curpa.
E habito cu por causa riesgo nan halto cu por tin como consecuencia pa problema di riñon ta:
• Presion halto;
• Diabetes;
• Inflamacion den bo riñon;
• Uzo di tabaco;
• No bebe suficiente awa diario.
E salud di nos riñon ta imortante pa regula e contenido e nivel di salo, exceso di awa y mantene e balance di kimico den nos curpa. Tambe ta importante pa haci ehercicio cu ta yuda mantene e nivel di stress abou. Nos riñon ta crea nos orina, cu ta un di e procesonan cu nos curpa ta saca sushi diariamente.
Gobierno su vision ta pa promove un miho cuido medico pero tambe un miho calidad di bida pa e poblacion di Aruba. E plan nacional di prevencion ta esencial pa realisa esaki, lo bay bin cu campañanan di conscientisacion pa yuda nos comunidad hiba un bida mas sano y saludabel.
Share this page