Cada persona cu ta cumpli cu e exigencianan por sigui un curso na Aruba pa piloto priva. E asociacion di piloto “Aruba Fly Club” ta ofrece anualmente e programa PPL (private pilot license of PPL) cu un persona por sigui na Aruba mes. Departamento di aviacion civil ta responsabel pa otorga licencia na personal di cabina (como tambe personal cu no ta piloto) door di organisa y ofrece examen pa certificado di capacitacion pa piloto.