Serie di workshop“Unlock Your Creative Entrepreneurial Spirit”
ORANJESTAD - Departamento di Asunto Economico, Comercio y Industria mediante su unidad "Iniciativa pa Desaroyo pa Empresa Arubano" (IDEA) a organisa un serie di workshop tocante: “Creative Entrepreneurship”.
E serie di workshop "Empresario Creativo" a cuminsa 21 februari 2024, na ‘The Hub @ San Nicolas’ y a atrae e prome dia un total di 35 participante.
E meta principal di e serie di workshop aki ta pa introduci ‘Creative Entrepreneurship’ y su beneficionan esencial na e comunidad empresarial di San Nicolas. Como resultado, participantenan lo siña conhuntamente con pa planea, lansa, maneha y amplia nan negoshi creativo na San Nicolas uzando nan creatividad, cultura, talento, y habilidad.
Durante di e serie di workshop, a trece un mescla diverso di individuonan hunto, cu hopi interes pa explora e mundo di empresario creativo. Participantenan tabata hopi entusiasma, y a intercambia nan ideanan y a demostra nan habilidadnan den un forma sostenibel.
E prome facilitado tabata sr. Dave Martinus, un coach di e compania certifica, ‘Action COACH Aruba’. Sr. Martinus a presenta dia 21 di februari e topico: 'Introduction to Creative Entrepreuneurship' y riba10 april e topico ‘Market Your Creative Business’. E obhetivo di e presentacionnan aki tabata pa, ‘Explora e funcion di innovacion y haya mas conocemento di negoshi y haya sa con pa uza creatividad potencial den e mercado dinamico di awendia’.
Dia 6 di maart, sr. Elthon Lampe director di ‘Activated Power’ a trata e topico di: 'Creative Entrepreneurship with AI' y e a presenta topiconan manera: Kico ta AI y pakico esaki ta importante pa cualkier negoshi; Tiponan di AI; ChatGPT 3.5 (version gratis); ChatGPT 4 (version paga) y a mustra algun ‘Demo’.
Sra. Judella Trim di IDEA a presenta 20 maart, 'Business Plan' como topico. Despues di su presentacion, e participantenan a sinta den grupo y a skirbi nan ‘Business Plan’ y algun di nan a presenta nan plan di negoshi creativo na henter e grupo presente.
E oradornan a hunga un rol importante pa haci cada sesion informativo y interesante. Den e feedback positivo di e participantenan ta resalta e importancia pa crea innovacion y mas empresa den nos comunidad. Mientras nos ta mirando pa futuro, nos ta comprometi pa sigui brinda sosten na tur empresario.
E siguiente workshop lo ta:
| Workshops Creative Entrepreneurship - Unlock Your Creative Entrepreneurial Spirit | ||
| Fecha | Topico | Orador |
| Diaranson 24 april 2024 | CREATE Your Business Business Registration | Notary Johnson KvK |
| Diaranson 8 mei 2024 | Get Your Business License Protect Your Creative Assets | DEZHI Bureau Intellectueel Eigendom |
| Diaranson 22 mei 2024 | Sales and Marketing Tackling the Shadow Economy in Aruba | D. Martinus DEZHI |
| Diaranson 5 juni 2024 | Employee Insurance Manage Your Finances | J. v/d Biezen |
| Diaranson 19 juni 2024 | All about Taxes Get inspired by IDEA’s services | DIMP IDEA |
| Diaranson 26 juni 2024 | Team empowerment Get inspired by the services of ARINA | C. Hoen-Daly ARINA |
| Dialuna 1 juli 2024 | Import/ Export/ Exemptions Get inspired by the services of Exprodesk | Douane Exprodesk |
| Diaranson 3 juli 2024 | The Power to Make a Social Impact in Your Creative Business (SDGs) Know the future of businesses ‘Innovation’ | Futura |
Tur workshop lo tuma luga na The Hub @ San Nicolas, B. v/d Veen Zeppenfeldstraat 70-72 (casi na final di mainstreet). Orario: 7:00 pa 9:00 pm y ta completamente gratis.
Pa mas informacion por tuma contacto cu nos libremente na IDEA na telefon 521-2440 of 521-2439 of manda un email na j.trim@deaci.aw.