ORANJESTAD – Ministerio di Turismo ta informa cu e resultadonan di turismo pa luna di maart 2024 ta un biaha mas positivo. 

Na maart 2024 a ricibi 141,380 turista na Aruba, cu ta 25.8% mas compara cu e mesun luna den 2023.

Aruba ta keda un destinacion den Caribe preferi pa hopi bishitante. Turistanan ta keda satisfecho cu Aruba y ta clasifica e “Guest experience” cu un 9.0. E tres categorianan cu a ricibi e miho clasificacion ta: ambiente cu 9.6, localidad cu 9.5 y food & beverage cu 9.4.

Na 2023 Aruba Tourism Authority (ATA) a cuminsa midi e impacto economico di “short term rentals”. Ta midi e impacto aki cu Average Daily Rate (ADR) cu ta na $296 y Occupancy Rate cu ta na 70.1% cu ta representa un entrada di $22,856.992 pa maart 2024. E top 3 plataforma di Vacation Rentals na Aruba ta Airbnb, Booking.com y VRBO.

Considerando e performance den maart 2024, por conclui cu tin un crecemento positivo y stabiel di turismo cu ta bishita Aruba.

E exito den turismo na Aruba ta danki na e esfuerso colectivo di ATA, AAA, APA, AHATA, ATSA y Aruba vacation rentals, pero sin lubida, e calor y trato servicial di nos hendenan cu ta traha den e sector aki tur dia.  
 

Resultado di turismo positivo pa maart 2024