ORANJESTAD - Recientemente, reunionnan preparatorio a tuma luga entre
Ministerio di Husticia y Asunto Social y Fundacion Enseñansa Pa Aruba (FEPA), pa loke ta e proyecto dentro di Veilige Barios, caminda ta bay brinda muchanan di scol basico, bijles gratis den e vaknan di rekenen y taal. 
 

E proyecto di Veilige Barios ta consisti di diferente pilar:

  • Crea siguridad den e bario a traves di mas iluminacion, mas siguridad den trafico etc. 
  • percura pa mas actividad den bario por ehempel den centronan di bario, pa mantene e muchanan for di caya. Pa logra esaki, Ministerio di Husticia y Asunto Social ta colaborando cu CEDE Aruba, caminda antes tawata asigna solamente 500 mil florin pa e centronan di bario por opera, awendia esaki a subi te cu alrededor di 2 miyon florin.
  • Participacion di e ciudadanonan di bario.


Diferente programa ta enfoca riba deporte, cultura, musica y workshops pa loke ta e parti laboral, pa asina e hobennan por haya mas conocemento, y engrandece e oportunidad pa participa den e mercado laboral.

Esaki ta algo importante, mirando cu e muchanan cu tin mester di ayudo adicional, lo por haya esaki riba e tereno di enseñansa, specificamente e tereno di rekenen y taal, cual ta dos vak importante pa e desaroyo educativo di e hoben.

Ministerio di Husticia y Asunto Social ta gradici FEPA, kende ta e instancia cu ta bay ehecuta e proyecto aki, caminda cuater scol basico lo forma parti di e proyecto piloto cu lo brinda 60 mucha e oportunidad unico.

Proyecto piloto pa bijles gratis pa muchanan di scol basico.