IVA y Ministerio Publico a firma protocol di cooperacion (15-02-2018)

logo

Snelmenu

Zoeken

IVA y Ministerio Publico a firma protocol di cooperacion (15-02-2018)

ORANJESTAD, Aruba – 7 februari 2018: Ariba 6 di februari 2018, Inspectie Volksgezondheid Aruba (IVA) y Ministerio Publico a firma un protocol di cooperacion. E dos organonan aki ta reuni periodicamente caba desde 1 di januari 2017, pero desde awe a formalisa e cooperacion.

Como organo independiente IVA ta carga e responsabilidad pa monitor e calidad di cuido na Aruba y ta traha a base di e Ley di Calidad di Cuido cu a drenta na vigor riba 1 di januari 2017. Segun e ley aki, IVA tin cierto ‘bestuursrechtelijke bevoegdheden’ manera, dunamento di waarschuwing of oplegging di boet, ora encontra violacion di ley. Sinembargo, ora ta trata persecucion penal, ta Ministerio Publico cu ta responsabel pa esaki. Pa es motibo, cooperacion entre e dos organonan aki ta importante pa percura e instrumentonan di ambos banda wordo uza mas eficiente cu ta posibel. Asina por garantisa e siguridad di cuido na Aruba.

Resultado di e cooperacion aki ta cu Ministerio Publico a saca instruccion nan nobo cu a drenta na vigor riba 1 di februari 2018. E instruccionnan aki ta ora ta trata violacion di tres diferente leynan di remedi; ‘de Landsverordening op de geneesmiddelenvoorziening’, ‘het Landsbesluit inrichting apotheken’  y ‘de Landsverordening verdovende middelen’.  E cambio aki ta encera cu e sumanan di boet a aumenta. 

Contact us

Openingstijden:
maandag t/m vrijdag
08:00-12:00 en 13:00-16:30

Adres:
Schotlandstraat 45
Oranjestad
Aruba

T: (+297)5262160
F: (+297)5882412
E: info@iva.aw