Inversion den 2024 den mehoracion di cuido medico

Inversionnan den cuido medico ta sumamente importante pa mehora e calidad di cuido y servicio. Cuido medico no ta solamente bishita dokter di cas of tratamento den hospital, sino ta existi di mucho mas componente.

Ora di haci inversion den cuido, ta enfoka riba:

• Mehora calidad di cuido y servicio;
• Haci inversionan continuo den cuido;
• Percura pa e fondo di AZV keda sostenibel;
• Enfoca riba prevencion den salud.

Den cuido medico semper tin hopi reto pa atende cune y Ministerio di Salud Publico ta
atendiendo cu nan pa asina mehora e calidad di cuido cu ta duna na e aseguradonan. 
Cuido medico na Aruba a conoce diferente avanse importante pa cuido di pashent. Pashentnan no mester bay den exterior mas pa haci operacion di "interventiecardiologie" ni pa haci bestraling, mirando cu na Hospital y Imsan ya ta dunando e servicionan aki. Ademas na Imsan a habri 22 cama, a cumpra varios ambulance nobo y a logra Arubig pa reconoce nos yuinan di tera cu a studia medicina den regio.

Pa 2024 ta bay inverti casi 14 miyon florin den cuido medico:

• 5.1 miyon florin extra pa Hospital;
• 4.1 miyon extra pa ImSan;
• 1.8 miyon pa Stichting BOB por haci "deteccion na tempo" di cancer di pecho;
• 1 miyon pa Respaldo por recluta mas profesional pa atende cu problema di salud mental;
• 1.5 miyon pa reenforsa e prome liña di cuido y pa digitalisacion di cuido medico.

Inversion den cuido ta importante, pero prevencion ta mes importante.
Recientemente a habri e di dos centro di Healthy Lifestyle Center, e prome situa na IBISA y e di dos na MFA Savaneta pa asina ofrece servicio gratis na comunidad, na tur esnan cu tin deseo di cambia y adapta nan lifestyle. HLC ya ta conta cu 450 cliente cu kier cambia na estilo di bida y ta haciendo uzo di e experticio di HLC pa logra cambionan grandi y asina impacta nan bida positivamente.