Aunke cu na Aruba bo ta haya derecho riba un marca door di uz’e pa di prome biaha na Aruba, toch ta recomendabel pa registra bo marca. Bo por pidi Oficina di Propiedad Intelectual na tur momento pa registra bo marca.Ta posibel pa registra un nomber, palabra, dibuho of logo (of un combinacion di esaki), pero tambe por laga registra forma di producto.

Unda pa pidi'e? / Mas informacion na

Bo por registra bo marca pa medio di formulario. E formularionan (den set di tres) pa haci peticion ta disponibel na Oficina di Propiedad Intelectual, of por download nan (Formulier 1ste indiening waren- of dienstmerk) 

  • Yena cada formulario na un manera identico y segun e instruccion;
  • Si e marca ta consisti di solamente palabra of cifra, yena esaki (cu letter mayusculo) den e seccion destina pa esaki;
  • Si e marca ta consisti di marca of cifra den scritura special of combina cu un imagen, of solamente un imagen, tin cu plak esaki den e seccion indica; Tene cuenta si cu e imagen cu ta bay plak, no por ta mas grandi cu 9x9cm, ademas di e tres imagennan geplak riba e formulario, den caso cu e marca ta na color mester entrega tambe, tres extra riba un vel di papel no mas grandi cu un papel tamaño A-4, y si e ta na blanco y preto e ora ey mester entrega dos extra riba un papel A4 (Si ta desea un miho calidad riba e muestra di Prueba di Registracion, por entrega un diseño digital cu un resolucion mas halto).
  • Si ta yena e formulario den forma digital riba e formulario cu a download for di e website, por pone e imagen (potret) mesora riba e formulario. Tur instruccion ta poni riba e formulario aki;
  • Indica e clase (categoria) den cua bo ta desea proteccion (un copia di e lista di e clasenan ta obtenibel a cambio di pago of por consulta esaki riba e website);
  • Tin cu yena e producto of servicio pa cua bo ta pidi proteccion.

Si ta desea por duna e colornan mas importante pa cua ta desea proteccion (maximo cinco color basico).

Kico mi tin di hiba cu mi?

  • Formulario yena (tres ehemplar);
  • Si ta trata di un persona huridico (Fundacion, NV of BV) mester entrega un prueba di inscripcion den e registro mercantil di Camara di Comercio.

Cuanto e ta costa?

Si for di resultado di e investigacion ta resulta cu e marca ta bin na remarca pa inscripcion, Oficina di Propiedad Intelectual lo informa bo por escrito, cu mester paga e siguiente sumanan (takse):

Gasto di entrega pa marca (pa tres clase)Awg. 275,-
Pa cada clase riba e di tres claseAwg.   25,-
Gasto di registracion pa marca despues di aprobacionAwg. 275,-

Despues cu Oficina di Propiedad Intelectual tuma e peticion pa marca den tratamento, bou ningun circunstancia ta entrega placa bek.

Cuanto tempo ta dura pa hay'e?

Si Oficina di Propiedad Intelectual tin obhecion contra inscripcion di un marca, e persona cu derecho riba e marca concerni mester cancela e marca aki prome. Despues di procesa esaki Oficina di Propiedad Intelectual por entrega un prueba di inscripcion. Si a constata cu no tin obhecion, ta entrega e prueba di inscripcion (segun e ley di marca), denter di un luna despues di ricibi e peticion y e suma total di inscripcion (indieningstaxe) Awg. 275,- pa tres clase (maximo). Si tin cu inscribi den mas cu tres clase mester paga Awg. 35,- pa cada clase extra.