Airport/Vliegveld

Aeropuerto Internacional Reina Beatrix ta un aeropuerto moderno y confortabel cu ta duna un aporte grandi na desaroyo economico di Aruba. E renobacion cu a tuma luga na 2005 ta encera construccion di dos terminal completamente nobo pa salida, sala di espera y renobacion di e terminal bieu pa pasahero cu ta yega Aruba.

E prome edificio ta e terminal internacional cu 24 balie pa check in, oficina pa e companianan di aviacion, espacio pa maleta ora cu ta sali for di Aruba y como tambe e oficinanan unda ta bende pasashi. E otro edificio ta pa pasahero cu ta biaha pa Merca. E tin 42 balie pa check in y facilidad di duana y inmigracion Mericano. Pasahero cu ta biaha pa Merca ta haci uzo di e sistema di pre-clearance, esaki ta parce mescos cu bo a check riba un vuelo na Merca mes. Bentaha di e sistema aki ta cu ora e pasahero yega Merca, e no mester pasa inmigracion ni duana mas.

Terminal di Aeropuerto Internacional Reina Beatrix ta consisti di tres nivel, e piso abou cu e facilidadnan di check in pa e pasaheronan di Merca y pa e pasaheronan internacional y un gang cu ta conduci na e tiendanan y restaurant riba e piso abou. E sala di yegada/ luga unda ta recoge maleta ta situa mei mei di e edificio riba e piso abou. Riba e prome piso tin e salanan di espera pa e pasaheronan cu ta biaha pa Merca, e otro pasaheronan internacional y e facilidad di inmigracion di Aruba, unda e pasaheronan cu ta yega ta pasa prome cu bay na e sala di yegada. E piso aki tin un hanchi cu muraya di glas pa e pasaheronan cu ta yega Aruba. Nan ta sigui pa e di tres piso y despues ta baha na e di dos piso via un roltrap of lift bay Douane. E pasaheronan cu ta yega y esun cu ta sali no ta topa otro durante nan pasada door di aeropuerto. Esaki ta garantisa siguridad di e pasaheronan y ta percura pa un fluho continuo di pasahero.

Lo amplia e terminal pa avionnan priva, renoba na 2010, cu dos hangar, reforsa e pista di aterisahe, mas luga di parkeer pa avion y siguridad. E capacidad di Universal Aviation, situa na e parti zuid, no ta cumpli cu e demanda pa haci uzo di e servicio. Segun pronostico den 2026 e cantidad di avion priva cu lo haci uzo di e aeropuerto di Aruba lo redobla. Lo construi dos hangar, lo reforsa e pista di aterisahe y mas luga di parkeer pa avionnan. Ademas lo duna atencion extra na aspecto di siguridad, Trabou a cuminsa na 2012 den diferente fase y ta planea pa conclui den 2014/2015. E proyecto lo tin un costo di mas o menos trinta miyon florin y lo ta financia for di e presupuesto di Aruba Airport Authority. E expansion lo ta un inversion importante pa economia di Aruba: mas bishitante cu entrada halto lo bishita Aruba.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options