Substancia peligroso

Tanto pa nos trabou diario di tene cas limpi como e procesonan na trabou pa produci ta haci uzo di substancia peligroso. Nos ta importa tur e substancianan peligroso aki, nos ta warda nan y ala fin nan ta bira desperdicio. Manera ta e caso cu ta importa casi tur producto na Aruba, asina ta tambe cu substancia peligroso.

Substancia peligroso ta, na un manera simpel bisa, substancia cu directo of indirecto por haci daño na hende y na medio ambiente. Gran parti di e substancianan aki ta producto kimico, pero por pensa tambe riba substancia biologico (virus), radiacion radioactivo y asbest (stof).
Paso cu por distingui den e cadena di importacion te cu procesamento di desperdicio ta:

  • Transportacion;
  • Wardamento;
  • Uzo;
  • Produccion di desperdicio.

Transportacion internacional (maritimo y aereo) di substancia peligroso ta regla pa medio di tratado. Control riba cumplimento di e tratadonan loke ta trata transporte maritimo, ta tuma luga door di Departamento di Inspeccion di Nabegacion (Directie Scheepvaart) y pa loke ta trata transporte aereo, control ta tuma luga dor di Departamento di Aviacion Civil (Directie Luchtvaart). 

Transportacion local di substancia peligroso den cantidad grandi ta sosode bou guia di polis.

Importacion di substancia peligroso specifico ta mara na un sistema di permiso.

Wardamento di substancia peligroso ta mara na regla. E reglanan ta pa proteha e personanan cu ta biba den bisindario unda ta warda e substancia peligroso y e trahadonan. Departamento di Inspeccion Technico (DTI) ta e departamento cu ta encarga pa controla e complimento di regla pa proteha e trahadonan.

Control riba e complimento di regla pa proteha hende y medio ambiente, ta den man di Departamento di Naturalesa y Medio ambiente (Directie Natuur en Milieu) den combinacion cu Cuerpo di Bombero (prevencion di candela). Departamento di Inspeccion Tecnico (DTI) ta controla e uzo di substancia peligroso na trabou.

Pa minimalisa e riesgo pa salud publico ta trata desperdicio peligroso cu atencion special. Pa asbest, desperdicio cu ta contene asbest y pa otro desperdicio cu ta exigi atencion special, tin un deposito. Fin di 2007 a habri e deposito aki.

Petroleo

E presencia prominente di e refeneria tin e antencion continuo di gobierno pa motibo di e diferente effectonan pa medio ambiente. Den e caso aki ta trata particularmente e (posibel) risiconan di derame y contaminacion di petroleo y e plan pa ataca esaki.

Mas informacion no ta disponibel ainda.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options