Reglamentacion

Desaroyo Teritorial di Aruba 2019 (ROP 2019) 

Riba 15 di januari 2019 a publica un concepto pa un Plan pa Desaroyo Teritorial di Aruba nobo. Te cu 15 di maart 2019 a brinda oportunidad pa entrega punto di bista (zienswijze). E concepto a wordo ahusta y contestacion riba tur punto di bista cu a entrega a keda incorpora den e Nota riba Punto di Bista (Nota Zienswijzen). Por medio di Decreto Nacional no. 1 di 17 di juli 2019 e Plan pa Desaroyo Teritorial di Aruba 2019 (ROP 2019) a keda ratifica.

Por download y tambe tuma nota di forma digital di e ROP 2019, e mapa, e Decreto Nacional no. 1 di 17 di juli 2019, e splicacion riba ROP 2019, e Nota riba Punto di Bista y un mapa di structura ecologico principal:

Por tuma nota di ROP 2019 na oficina di Departmento di Infrastructura y Planificacion (DIP) tambe. 

Siguientemente por haya informacion relaciona cu e prome ROP (bieu).

Na caminda pa un ROP cu reglamentacion
Awo cu e ROP ta stipula, LRO ta ofrece e posibilidad pa elabora e desaroyo desea den un of mas plan cu reglamentacion (voorschriften): e forma planologico ROPV. Cu esaki ta origina un plan cu ta obligatorio tanto pa gobierno como pa e ciudadano.
Un ROPV ta valido pa cinco aña y ta consisti di un descripcion di e desaroyonan mas desea, un mapa cu ta ilustra e desaroyo aki, un definicion di e reglamentacion y un mapa riba cual e reglamentacion ta indica.
E reglamentacion ta duna instruccion tocante destinacion, ordenacion, construccion y uzo di e terenonan y por contene limitacion relaciona cu construccion, otro trabaonan y edificionan.

Prome cu redacta un ROPV, ta traha un decreto di preparacion, cu ta anuncia cu aki un aña un concepto di e ROPV lo ta disponibel pa inspeccion publico. Durante e periodo di e decreto di preparacion valido por limita modificacion di e vecindario en cuestion.

Durante e proceso pa un of mas ROPV a scoge como fase intermediario pa bini prome cu un pakete di Indicacion Planologico y Urbano (PSR). Den e pakete aki ta skirbi e intencionnan di ROP a base di zonificacion, herarkia den centronan y camindanan y e otro elementonan di mapa di e plan cu ta util den trahamento di e reglamentacion.
E reglamentacion tin diferente forma:

• orma y caracteristica - p.e.densidad di construccion segun area pa plan di parcelacion;
• funcion admisibel pa zona y tipo di caminda - p.e. supermercado grandi solamente den area urbano banda di caminda grandi di conexion y caminda colectivo den bario y den centro di area residencial;
• traha maneho pa sitionan pa empresa - p.e. strip di facilidad y centro comercial banda di Ringweg 4;
• exploracion di elaboracion riba base teritorial - p.e. vision structural Noord y Sta. Cruz y Indicacion di Maneho Teritorial (RRB) pa zona di Rif;
• base di Planificacion Urbano - p.e. elaboracion di calidad caracteristica di cada 'paisahe como herencia natural'.

For di elaboracion aki di e normanan di maneho teritorial por formula huridicamente e reglamentacion di ROPV. Ora di redacta un of mas ROPV lo indica denter di e zonanan di e ROP mas area di destinacion, na unda reglanan huridico specifico ta aplicabel.
Den capitulo IV di LRO (articulo 9 te 28) e plan di desaroyo teritorial ROP ta wordo detayadamente splica cu tur su reglanan.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options