Mata y bestia protegi

Sorto di mata

Departamento di Agricultura, Pesca y Cria (DLVVM) ta e departamento indica como autoridad cientifico nacional relaciona cu flora pa CITES (Convention on International Trade in Endangered Species of wild fauna and flora) na Aruba. DLVVM ta encarga cu procesamento di documentonan di CITES ora di importacion y exportacion di e organismonan vegetal cu ta suheto na apendix I y II di CITES di sorto protegi.

E tratado aki ta stipula regla na comercio internacional den sorto di mata menasa. E reglanan ta pa proteha e sortonan aki. E tratado di CITES ta aplicabel riba tur importado y/of exportado di organismo cu ta protegi pa e convenio. E sortonan di mata cu ta protegi localmente  cu ta cay bou di e tratado di CITES ta e sortonan aki cu mas tanto ta cadushi y dos sorto di Wayaca.

                

nr.

Famia

Sorto

Nomber local

1

Cactaceae

Acanthocereus tetragonus

Cadushi' colebra

2

Cactaceae

Melocactus macracanthos

Bushi

3

Cactaceae

Pereskia guamacho

Azufro

4

Cactaceae

Pilosocereus lanuginosus

Breba di pushi

5

Cactaceae

Opuntia curassavica

Tuna di colebra

6

Cactaceae

Opuntia elatior

Tuna di baca

7

Cactaceae

Opuntia wentiana

Tuna

8

Cactaceae

Ritterocereus griseus

Cadushi

9

Cactaceae

Subpilocereus repandus

Breba

10

Euphorbiaceae

Euphorbia lactea

Cactus surnam

11

Euphorbiaceae

Euphorbia tirucalli

Potloodplant

12

Orchidaceae

Brassavola nodosa

Orkidia

13

Zygophyllaceae

Guaiacum officinale

Wayaca

14

Zygophyllaceae

Guaiacum sanctum

Wayaca shimaron


              

Riba 15 di augustus 2017, basa riba e di prome y di dos inciso di articulo 4 di e Ordenansa di Proteccion di Naturalesa, e Decreto nacional proteccion flora y fauna local (autoctono), a drenta na vigor.

E Decreto nacional ariba menciona tin como meta pa proteha e matanan y animalnan, na Aruba  cu ta confronta peliger di extincion y cu for di punto di bista di proteccion di naturalesa tin nan balor pa Aruba y ta considera nan presencia duradero deseabel.

Den e splicacion adhunto ta haya mas informacion tocante e decreto nacional aki.

Sorto di bestia

Servicio Veterinario ta e autoridad cientifico nacional na Aruba pa loke ta trata fauna pa CITES (Convention on International Trade in Endangered Species of wild fauna and flora), pa procesa documento di CITES ora di importacion y exportacion di especie di bestia cu ta cay bou di e apendixnan di CITES pa e especienan di bestia cu ta menasa. Pa proteha e especienan aki, e tratado ta stipula regla na comercio internacional den e especienan di bestia menasa. E tratado ta aplicabel riba tur importado y/of exportado di organismo cu ta protegi pa e convenio. E especienan di bestia cu ta protegi localmente ta esunnan cu ta cay bou di e tratado y tambe bou di e Decreto nacional proteccion flora y fauna local cu a drenta na vigor riba 15 di augustus 2017.

 
    

No solamente ta proteha bestia pero parti di bestia y nan producto tambe ta cay bou di e tratado CITES y e Ley di Proteccion di Naturalesal. Asina ta cu no solamente e crocodil, pero tambe e banchi di holoshi, no solamente e olifanti pero e obheto di marfil cu ta traha di su dientenan.

Den caso di fauna  ta pone enfasis tambe riba mantencion di e trafico cu ta pasa frontera. Loke ta trata e Boa constrictor, tin hasta un maneho pa trata di extermina e especie aki. Na Aruba e Boa ta un asina yama “especie invasor” : na aña 1997 e no tabata aparece den mondi, pero ta hende a introduci’e na un manera ilegal na Aruba. Door cu e Boa no conoce enemigo natural, e ta forma un peliger pa e bestianan cu tin na Aruba actualmente.
 

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options