Cites

Aruba a tuma un decision importante riba e tereno di proteccion di naturalesa door di a ratifica e tratado di CITES na aña 1994. E Convencion tocante Comercio Internacional di Especie den Peligro (Convention on International Trade of Endangered Species) tin como meta pa mantene e biodiversidad den mundo. Nan ta haci esaki door di proteha e sorto di mata y bestia cu ta core e peliger di caba. A mara principalmente e comercio (“Trade”) den e sortonan protegi na regla pa limita comercio of pa prohibi’e mes.

Na Aruba e ratificacion a conduci na aceptacion di e Ley pa Proteccion di Naturalesa. E tratado di CITES ta exigi entre otro pa institui un asina yama Management Authority (MA) y un “Scientific Authority” (SA). Na Aruba, Departamento di Agricultura, Pesca y Cria (DLVVM) ta indica como MA y SA pa loke ta trata flora, mientras Servicio Veterinario (Veterinaire Dienst) ta encarga cu MA y SA riba tereno di fauna.

E Ley pa Proteccion di Naturalesa ta brinda, banda di proteccion di e sortonan, e posibilidad pa indica area como protegi. E strobamento den habitat ta un di e menasanan mas grandi pa sobrevivencia di hopi sorto.
Ta a base di e Ley pa Proteccion di Naturalesa aki a indica Parke Nacional Arikok (Fundacion Parke Nacional Arikok) como un area oficialmente protegi.



Banda di gobierno tin tambe organisacion, cu no ta di gobierno, cu ta ocupa nan mes cu proteccion di naturalesa:

Nomber

Meta

Adres

Fundacion Turtugaruba

Proteccion di turtuga di lama y nan habitat 

turtugaruba@hotmail.com
Turtle Hotline (297) 592 9393

Stimaruba

Proteccion di naturalesa den tur sentido y educacion

stimaruba@hotmail.com

Salba nos Burico

Proteccion di burico na Aruba

Telefoon: (297) 584 1063 of
(297) 965 9977


         

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options