Calidad (polucion) di aire

No obstante cu e pasat di noordoost (Noordoostpassaat) en general ta supla e polucion di aire pa lama habri, no ta nifica cu no tin problema. E temporadanan durante aña unda cu e cambio di direccion di e biento, cu of sin combinacion cu caida di biento, ta bon conoci, y e ta causa bastante problema. E asina yama “biento a bira”.
 
                                           

Den cuadro di e maneho di desaroyo stipula pa Ministerio di Salud Publico y Medio Ambiente (Meerjarenprogramma 2001-2005) tocante proteccion di salud publico y medio ambiente, den e programa anual concerni, ta indica diferente punto crucial cu tin prioridad den tratamento di e tema menciona anteriormente. Un punto elemental ta trata e control di calidad di aire riba e isla. Ta referi den e caso aki na e emision di gas di industria y trafico. E fuentenan mas importante indica den e programa di mas aña ta e refineria, e planta di awa y electricidad, e dump na Parkietenbos y trafico.

E influencia di Parkietenbos a baha considerablemente door di implementacion di cambio structural den e metodo di procesa, unda no ta kima sushi mas, pero ta deposit’e.


 
E fuente mas importante di polucion ta trafico. Control riba calidad di aire lo tuma lugar door di midimento continuo di cierto componente clasico cu ta causa polucion. Ta trata di entre otro SO2 y parti di stof chiquito.  Departamento di Naturalesay Medio Ambiente lo usa e datonan pa practica control riba cumplimento di regla y ta sirbi como base pa sigui formula e maneho di calidad di aire. Ora ta formula e maneho di calidad di aire ta tene cuenta cu tratado internacional, manera esun di Kyoto y di Montreal. Ademas por usa e datonan pa investigacion cientifico relaciona cu e topico aki.
 

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options