Accidente na pia di trabao

Meld accidente na trabao

Segun articulo 2 inciso 7 di e Ley di Seguridad na Trabao, e hefe of manager di un negoshi mester meld accidente na trabao na entre otro Departamento di Inspeccion Tecnico (DTI). Basa riba e ley di seguro di accidente na trabao, mester meld accidente di trabao tambe na Sociale Verzekeringsbank (SVb).

E hefe of manager di e negoshi ta meld mesora tocante e siguiente accidentenan:

  • accidente fatal;
  • accidente na unda mester interna e victima(nan) den hospital;
  • accidente, cu ta causa herida di tal gravedad, cu por tin como consecuencia  invalidez total  of parcial permanentemente;
  • accidente unda door di circustancia di pura casualidad no tin herido;
  • accidente, cu ta causa herida di tal gravedad, cu tin como consecuencia faltamento di trabao.

E lugar, of den e becindario unda e accidente a sosode, mester keda mas tanto cu ta posibel intacto (asina leu cu esaki no ta peligroso) pa facilita un eventual investigacion di parti di e instancia gubernamental Departamento di Inspeccion Tecnico. E hefe of e manager di e negoshi mester meld na Departamento di Inspeccion Tecnico y Sociale Verzekeringsbank mas pronto cu ta posibel despues di e accidente. Pa meld accidente na trabao, pero tambe pa otro asunto relaciona cu seguridad na trabao, por tuma contacto cu:

  • Dienst Technische Inspectie (DTI
    Tel.: 584-2073 (ora di oficina)
    Pager: 1270990 (despues di ora di oficina)
  • Directie Arbeid en Onderzoek (DAO)
    Tel.: 583-7720 (ora di oficina)
  • De Sociale Verzekeringsbank (SVb)
    Tel.: 527-2700
  • Central di Polis
    Tel.: 100 (dia di fiesta, dia liber y despues di ora di oficina) of 911

Seguro di accidente

Basa riba articulo 3 di e ley di seguro di accidente, e trahado cu a haya accidente na pia di trabao tin derecho riba compensacion den placa. E trahado cu door di accidente di trabao a keda completamente of parcialmente incapacita pa traha, tin derecho riba e compensacion yama compensacion di accidente di trabao, entrante e dia despues cu a meld e accidente na SVb.

Compensacion

Den caso di incapacidad completo e compensacion ta:

  • durante e prome 52 simannan: 100% di e salario pa dia;
  • despues di e prome aña: 80% di e salario pa dia

Den caso di incapacidad parcial e compensacion ta:

  • durante e prome 52 simannan: un parti proporcional di 100% di e salario pa dia den comparacion cu e  incapacidad;
  • despues di e prome aña: un parti proporcional di 80% di e salario pa dia den comparacion cu e  incapacidad

E trahado no tin derecho riba e compensacion di accidente na pia di trabao pa diadomingo of e dia liber cu e trahado ta haya lugar di diadomingo. E trahado cu ta traha 5 dia pa siman, no tin derecho tampoco pa e diasabra liber of e otro dianan liber di e trahado.  Si e trahado durante su incapacidad pa motibo di accidente di trabao ta haya su salario for di su dunado di trabao, e ora ey e compensacion ta bira menos. E reduccion ta depende di e salario y e compensacion.

Prevencion accidente na trabao 

Pa loke ta trata prevencion di accidente na trabao e hefe of manager di e negoshi mester tene cuenta cu entre otro e Ley di Seguridad na Trabao y e Veiligheidsbesluit I.

Pa loke ta trata accidente na trabao tin un foyeto “Accidente na trabao” disponibel.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options