Innovacion den Enseñansa

  • Metanan nucleo (kerndoelen)

    Na 2018 Minister di Ensenañsa, Ciencia y Desaroyo sostenibel, a firma e meta nucleo pa scol primario, esta pa tur scol preparatorio y basico na Aruba.

    Cu aprobacion di e metanan nucleo a keda oficialisa un etapa nobo y historico den enseñansa na Aruba. E metanan aki ta describi tur locual cu tur scol mester logra alcansa cu nan alumnonan na final di scol primario.

  • Educacion pa adulto

    Den un sociedad cu ta cambiando lihe, door di entre otro desaroyo tecnologico y economico ta rekeri awendia cu hende ta sigui desaroya su mes henter su bida largo. Cada bes ta mas importante, pa tin e competencianan apropia (conocemento, habilidad y actitud) pa haya y mantene un trabou. Pa haya un trabou ta exigi cada dia mas pa loke ta trata diploma.

  • Proyecto Scol Multilingual (PSML)

    Logo Scol MultilengualKico ta un Scol Multilingual?
    E palabra “multilingual” ya caba ta indica cu e scol multilingual ta ofrece mas cu un idioma. Den e caso aki, nos scolnan multilingual ta ofrece e idiomanan Papiamento, Hulandes, Ingles y Spaño desde cu e alumno drenta scol preparatorio (kleuter) te final di scol basico. Den e scol multilingual e alumno ta siña lesa prome na Papiamento y despues ta pasa su habilidad di lesa pa e palabranan cu e conoce caba na Hulandes (desde mita di klas 2), Ingles (desde klas 4) y Spaño (desde klas 5). Den e scol multilingual Papiamento ta e idioma di instruccion desde scol preparatorio te klas 4 y  desde klas 5 ta introduci Hulandes como idioma di instruccion. Asina por sigura cu e alumnonan tin un fundeshi fuerte na Papiamento y na Hulandes, cu ta forma un base fuerte pa despues nan por sigui haya les na Hulandes.

  • Arubaanse rekentoets (CITO en ART)

    Sistema pa sigui progreso di alumno pa Rekenen-Wiskunde pa enseñansa basico
    Departamento di Enseñansa tin como meta pa hunto cu e scolnan traha na mehoracion continuo di calidad di enseñansa. Pa loke ta trata e materia di rekenen ta stimula e scolnan pa participa tur aña na e testnan (reken-/ wiskundetoetsen) di CITO y ART- sistema pa sigui progreso di alumno (leerlingvolgsysteem) pa scol basico. CITO ta para pa Centraal Instituut voor Toets Ontwikkeling y ART ta nifica Arubaanse Reken Toets.

  • E Docente na Wiel

    E proyecto "E Docente na Wiel" (De Leraar in de Driver’s Seat) ta un proyecto di Ministerio di Enseñansa di Aruba y Wetenschappelijk Centrum Leraren Onderzoek (LOOK) di Open Universiteit na Hulanda. E proyecto aki ta encera cu e docentenan ta traha bottom-up na nan mes profesionalismo. Siñamento den network (netwerkleren) ta central den esaki. Ministerio di Enseñansa, Cultura y Ciencia di Hulanda ta financia e proyecto aki.

  • Leerlingenzorg (Cuido di alumno)

    Documento vision cuido interno di  alumno

    E vision riba cuido di alumno ta relaciona cu tur cuido, tanto esun interno como esun externo, di e alumno, cu ta dirigi pa promove tur posibilidad di desaroyo y oportunidad di enseñansa pa tur alumno y pa eleva e rendimento di enseñansa.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options