Tempo pa enseñansa y siñamento

Inspeccion ta vigila pa realisacion di suficiente tempo pa enseñansa y siñamento manera ta prescribi segun reglamento. Pa loke ta concerni prestacion, tempo pa enseñansa y siñamento ta condicion importante. Un bon garantia di suficiente tempo pa enseñansa y siñamento no solamente ta duna un contribucion esencial na e prestacion di e alumnonan, pero tambe e ta na beneficio di e funcion social di enseñansa.

Un scol mester garantisa suficiente tempo pa enseñansa cu e ta duna y ta uza un rooster pa cada klas. Si scol kier desvia di e rooster, anto e mester haya permiso di Inspeccion y di directiva di e scol. Si den practica resulta cu hopi tempo ta bay perdi of cu no ta uza e tempo suficiente, Inspeccion ta raporta tocante esaki y tambe ta pidi atencion di e directiva di scol pa e asunto. Scolnan mester programa nan tempo pa enseñansa y siñamento di tal forma cu no ta perde tempo balioso. Tambe mester tene cuenta cu oranan cu ta bay perdi como consecuencia di malesa di alumno y di maestro.

Pa mas informacion por tuma contacto cu Departamento di Enseñansa, seccion Inspeccion di Enseñansa.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options