Sistema di keho

Por sosode cu diferente persona cu ta envolvi den enseñansa no ta contento cu un of otro desaroyo. Esaki por trece cun’e cu e Inspeccion por haya keho durante aña escolar. Kehonan por bin di mayor, maestro, cabesante of directiva di scol.

Mayoria keho tin di haber cu ponemento (lugar), expulsion y suspension di alumnonan. E kehonan por ta di diferente indole manera:

  • Expulsion of suspension di un alumno;
  • Conducta pedagogico den klas of na scol;
  • Un aviso di scol relaciona cu colocacion di un alumno;
  • No haya luga na scol;
  • Problemanan di conducta;
  • Falta di reemplaso di maestronan cu ta ausente;
  • Kehonan relaciona cu examen.

Procedura

Den caso di un keho entrega door di un mayor, e procedura ta cu Inspeccion ta referi mayor na e respectivo maestro, cabesante di scol of directiva di scol si mayor no a haci esaki ainda. Si mayor a bay caba cerca maestro, cabesante of directiva di scol, e ora Inspeccion ta purba pa intermedia pa soluciona problema, despues cu a haci un investigacion profundo.

Kehonan di maestronan y/of cabesante di scol ta atende nan mesora cu scol y/of directiva di scol. Diferente inspector ta atende kehonan personalmente cu scol y cu e autoridad competente.

Pa mas informacion por tuma contacto cu Departamento di Enseñansa, seccion Inspeccion di Enseñansa.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options