Leerlingenzorg (Cuido di alumno)

Documento vision cuido interno di  alumno

E vision riba cuido di alumno ta relaciona cu tur cuido, tanto esun interno como esun externo, di e alumno, cu ta dirigi pa promove tur posibilidad di desaroyo y oportunidad di enseñansa pa tur alumno y pa eleva e rendimento di enseñansa.

Enseñansa Primario (PO)
Un vision riba e cuido interno di alumno na e scolnan mester sali di un vision general riba cuido di alumno. Den e documento di vision aki, Departamento di Enseñansa lo elabora tocante su vision riba cuido di alumno dentro di enseñansa primario pa despues pasa pa trata su vision riba e cuido interno di alumno den enseñansa primario. Mas despues ta splica con e vision ta haya forma pa alfin yega na un modelo pa un structura di cuido interno pa enseñansa primario.

Despues ta presenta un modelo pa un structura di cuido externo. Por ultimo ta trata e rol cu Departamento di Enseñansa tin pa loke ta trata e creamento di condicion pa sigui implementa e cuido interno di alumno.

Enseñansa Avansa General (AVO)
Den e nota aki, bo ta haya un “update” di e vision y e resultado detaya di e proposicionnan menciona den e documentonan di 2002 y 2006 door di Projectbureau SHA. A base di e vision aki y e proposicionnan a logra ya basta riba tereno di cuido di alumno na e scolnan avo, desde 2003. Ta un bon momento pa expone un cuadro cla di e totalidad di cuido di alumno na avo, pa asina e scolnan por wak cual faceta ya ta desaroya y cual mester di atencion awor.

Den e documento aki ta detaya mas e cuadronan pa e sistema di cudio pa di un banda yuda e scolnan duna mas forma na nan vision y maneho den un sistema bon pensa y mas detaya di cuido di alumno. Na mes momento e nota aki ta brinda puntonan di atencion y metodo/idea pa e desaroyo necesario di maneho y condicion pa e funcionamento di e sistema di cuido aki.

Meta y grupo meta
Tin tres meta y grupo meta den e documento di vision aki:

  • Duna direccion un banda na esnan cu ta traha maneho, nan por uza e documento aki como kapstok pa e otro nivelnan di enseñansa y di otro banda pa esnan cu ta traha maneho por sigui formula maneho tocante di e cuido interno di alumno;
  • Duna direccion na esnan cu ta ehecuta maneho, entre otro e scoInan, e directiva di scolnan, Departamento di Enseñansa, seccion Facilidad di   estudio y Guia, seccion Inspeccion, seccion Personal den Enseñansa y IPA seccion Nascholing;
  • Duna elemento cu scol por uza. Pa uzo na scol lo mester concretisa mas cierto aspecto for di e documento aki. Scol mester traha su mesun cuido di alumno cu e puntonan di salida di e documento aki y cu nan mesun vision y nan caracteristicanan specifico di nan scol.


Documento di vision | Departamento di Enseñansa| oktober 2010
Visiestuk Interne leerlingenzorg in het primair-onderwijs
Visiestuk Interne leerlingenzorg in het Algemeen Vormend Onderwijs


Pa mas informacion tuma contacto cu Departamento di Enseñansa seccion Facilidad die studio y Guia.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options