Educacion pa adulto

Den un sociedad cu ta cambiando lihe, door di entre otro desaroyo tecnologico y economico ta rekeri awendia cu hende ta sigui desaroya su mes henter su bida largo. Cada bes ta mas importante, pa tin e competencianan apropia (conocemento, habilidad y actitud) pa haya y mantene un trabou. Pa haya un trabou ta exigi cada dia mas pa loke ta trata diploma.

Pa keda bij cu e desaroyonan hende mester keda siña. Un manera pa hende keda educa su mes ta pa medio di educacion pa adulto. Educacion pa adulto ta dirigi pa duna adulto y hoben (cu no ta haya chens mas den enseñansa regular) un di dos chens pa ainda logra un diploma, pa educa nan mes mas y/of desaroya competencia. Educacion pa adulto ta ofrece diferente estudio formal te cu cursonan cortico.

Educacion pa adulto ta den pleno desaroyo na Aruba. Banda di cuminsa cu programa di estudio nobo ta importante cu e condicionnan necesario pa e programa ta exitoso tambe tey. Pa mas informacion tocante educacion pa adulto tocante e programanan como e proyectonan riba e tereno aki, bishita e website, www.ea.aw.

Educacion pa adulto ta un di e tareanan primordial di e seccion Scholing di Departamento di Enseñansa Aruba (DEA), cu como meta:

  • Sincronisa e demanda pa educacion pa adulto y mehora e cualidad;
  • Sostene y crea e condicionnan pa enseñansa pa e adultonan.
Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options