E Docente na Wiel

E proyecto "E Docente na Wiel" (De Leraar in de Driver’s Seat) ta un proyecto di Ministerio di Enseñansa di Aruba y Wetenschappelijk Centrum Leraren Onderzoek (LOOK) di Open Universiteit na Hulanda. E proyecto aki ta encera cu e docentenan ta traha bottom-up na nan mes profesionalismo. Siñamento den network (netwerkleren) ta central den esaki. Ministerio di Enseñansa, Cultura y Ciencia di Hulanda ta financia e proyecto aki.

E comienso
Na november 2011 y april 2012 a instala e prome networknan den un proyecto piloto. Meta di e actividadnan aki di un banda tabata ta pa haya sa e manera con por ehecuta siñamento den network na Aruba y di otro banda cuminsa berdaderamente cu siñamento den network pa e docentenan di enseñansa primario.

E maestronan di diferente scol preparatorio y scol basico desde november 2012 ta bezig cu siñamento den network pa busca solucion pa problema/pregunta for di nan practica diario di duna les. Esaki ta un manera con e maestronan ta siña den network. E proyecto a cuminsa cu un grupo chikito di maestro. Di es manera aki, por a fula tera cual ta e miho manera pa implementa y sostene e networknan na Aruba. Den e workshopnan e maestronan a cera conoci cu siñamento den network y a bira bisto cual ta e problemanan cu nan ta topa den nan trabou diario.  E tempo ey a cuminsa cu tres grupo piloto pa siñamento den network, esta Enseñansa riba midi, Crecemento di e maestro y Condicion basico.

Ampliacion
Na april 2012 a tene un serie nobo di workshops. E meta tabata ta pa reforsa e networknan existente y traha network nobo. E iniciativanan existente, manera e network di kleuter y e network di IB tambe ta mara na e proyecto. Mientrastanto tin nuebe network piloto activo. Tin un programa apart pa lider di scol. Cu e lidernan di scol, nos a explora cuanto mas e valor di e forma di profesionalismo aki tin y con nan por yuda e maestronan.

Banda di e implementacion di e networknan a percura pa structura e sosten; e coachnan di e gruponan cu ta forma parti di e plataforma. Fuera di e coachnan e gruponan conoce tambe rancado (trekker). Cada grupo tin uno of dos rancado.

Enseñansa primario completo
Na comienso di aña escolar 2012/2013 lo involvi enseñansa primario completo den e proyecto pa medio di e conferencia "Get in, ban cu nos!": e maestronan cu ya tabata den e bus sinta tras di wiel di nan mesun desaroyo, ta invita e otro maestronan pa participa.

E conferencia ta consisti di tres dia riba cual tur maestro di enseñansa primario, lider di scol y directiva di scol lo ta invita, parti over di e dianan pa riba diferente manera cera conoci cu siñamento den network. Nan ta siña utilisa directamente otro su conocemento y experiencia y nan ta haya sa con pa forma grupo nobo. Na final di cuenta e meta ta pa cada maestro uza su contacto cu otro maestronan mas optimal posibel pa su mesun profesionalismo o sea cuminsa siña den network.

Grupo meta
E proyecto ta dirigi te cu awor riba primeramente e maestronan y e lidernan di scol pa scol preparatorio y scol basico. Nan ta mas o menos 800 cu na e momentonan aki ta trahando den enseñansa na Aruba.

E grupo meta secundario cu ta di interes ora di percura pa tin inbedding di e gruponan como forma pa profesionalisa ta e otro stakeholdernan manera e directiva di scolnan y Inspeccion di Enseñansa. Sin compriso y sosten di e gruponan aki un inbedding duradero no ta posibel. Nan ta forma un condicion importante pa exito.

Enseñansa avansa y post-secundario ta riba agenda pa despues di september 2012.

Punto di salida:

  • Crea cambio door di mobilisa gruponan. Ta traha y pensa for di e networknan;
  • Pa y door di maestro: maestro y coach ta activamente envolvi den e proyecto y e conferencia. Nan ta e embahadornan di e siñamento den network;
  • Ta garantisa renobacion for di paden door cu e metodo ta haci uzo y ta wordo sosteni door e conocemento y necesidad local: apoya e biahe lugar di mustra e caminda;
  • E partnernan ta siña solamente door di trahamento hunto. Punto di salida ta cu tur involvi (incluso esnan cu ta hasi e trabou) ta siña mas tanto posibel;
  • E resultadonan mester contribui na un manera bisto y cu sentido na e profesionalismo di e docentenan na Aruba;
  • Haya e caminda cla lugar di prome traha un plan (mapa) pa despues traha e caminda ta promove un solucion efectivo y duradero (ehecuta pida pa pida);
  • Ta busca activamente contacto cu tur iniciativa existente y implementa door di otro persona of instancia.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options