Gasto di cuido medico na Aruba

E organo ehecutivo (Uitvoeringsorgaan) di Seguro Medico General (Algemene Ziektekosten Verzekering) abrevia cu UO AZV (of mihor conoci como AZV) ta e instancia cu ta maneha e fondo general di gasto medico na Aruba. Ademas di maneha e fondo aki, AZV ta responsabel tambe pa ehecucion di e asina yama Ordenansa Nacional Seguro Medico General (Landsverordening Algemene Ziektekosten Verzekering'). E meta di Seguro General Medico ta garantisa accesibilidad, eficiencia y efectividad di cuido di salubridad na Aruba pa tur asegurado.

E organo ehecutivo di AZV ta consisti di mas o menos 90 empleado cu ta diariamente na disposicion di nan 98.000 asegurado for di dialuna pa diabierna entre 7 or y mei di mainta te cu 4 or di atardi.

Un di e departamentonan mas importante cu abo como ciudadano lo tin contacto cune ta e departamento di Administracion di Carnet di AZV/Administracion di Polisa. E departamento aki ta responsabel pa inscribi y cancela inscripcion di asegurado, pero tambe pa acepta y trata tur peticion pa cuido medico manera por ehempel un peticion pa dokter di beugel of un peticion pa tratamento medico den exterior. Un empleado di Organo Ehecutivo di AZV lo yuda bo na bali y e lo por duna bo tur informacion relaciona cu bo inscripcion of peticion. Tambe bo por acudi na e departamento aki pa haci cambio den bo informacion personal manera cambio di adres y/of crecemento di famia.

Adres pa publico ta:

UO-AZV
Rumbastraat 21
Camacuri, Oranjestad 
Telefon   (297) 5279900
Fax         (297) 5830977
E-mail adres info@uoazv.aw

UO-AZV
Pastoor Hendrikstraat 10
San Nicolas (IMSAN)
Telefon   (297) 5840030
Fax         (297) 5849819

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options