Cuido specialisa

Specialista
Pa tratamento medico door di un specialista medico, tin un cantidad di specialistanan medico estableci na Aruba (Lista di specialista).
E specialista mediconan aki ta duna tratamento medico cu un dokter di cas no por duna. Como asegurado di AZV, bo tin derecho riba tratamento medico cerca un specialista. Pa por haya tratamento medico door di un specialista mester tene cuenta cu:

  • Bo mester bay bo dokter di cas prome pa conseho;
  • bo dokter di cas mester considera cu ta necesario pa manda bo na un specialista;
  • bo mester di un carta di referencia (verwijsbrief) firma door di bo dokter di cas pa bo por haya tratamento medico door di un specialista.

Pa cierto tratamento medico door di un specialista, mester di permiso prome di AZV. Esaki ta conta pa tur caso si e tratamento medico no por tuma luga na Aruba y/of bo mester bay den exterior pa tratamento medico.

Si mester di permiso di AZV prome cu tratamento door di un specialista, bo dokter di cas lo informa bo over di esaki ora di haci peticion.

Si bo ta sigura pa gastonan medico na otro manera, otro reglanan por ta conta. Pa esaki bo por consulta bo polisa di seguro of tuma contacto cu bo compania di seguro.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options