Traha of renoba cas

Naturalmente ta posibel tambe pa construi of laga construi un cas na Aruba. Pa haci esey, mester cumpli cu e sigiuente condicionnan:

  • E futuro doño mester tin un tereno pa construi, sea cu ta tereno propiedad of tereno erfpacht;
  • Un permiso pa construi (bouwvergunning). Ta necesario pa bo obtene un permiso pa construi, prome cu bo cuminsa cu trabou di construccion. E condicion aki ta regla den e Ley Bouw- en woningverordening y Bouw- en woningbesluit.
  • Un plan di situacion (situatieplan). Un di e condicionnan pa traha of laga traha un cas ta un plan di situacion aproba. Ora di haci peticion pa un permiso pa construi, e plan di situacion ta un di e condicionnan;
  • Un plan pa instalacion electrico aproba;
  • Un instalacion di gas aproba.

Ley ta haci diferencia entre construi acerca (bijbouw), construi na, of renoba. Ta papia di construi na un cas ora por ehempel bo ta construi un camber of garashi na e cas y e ta accesibel directamente for di paden di e cas. Si esey no ta e caso, ta papia di construi acerca. Ta papia di renoba ora cu por ehempel bo ta haci construccion na un edificio exsistente di tal manera cu e no tin e particion constructivo original mas. Prome cu bo cuminsa cu trabou di construccion, informa si bo mester of no di un permiso pa construi.

Calculacion di gastonan di stampia (leges)

Ora di haci peticion pa un permiso pa construi, bo mester paga gasto di stampia (leges). Bo mes por calcula bo gasto di stampia cu yudansa di e programa simpel y facil pa uza aki bou.