Coriente

WEB ta responsabel pa produci coriente y Elmar ta responsabel pa distribui coriente. E voltahe di coriente ta 110 v. AC 60 cyclus. Mas o menos 33.000 cas ta conecta ariba e red di coriente.

Si bo propio cas ta dispone di conexion di coriente pero no di un propio meter, bo mester acudi personalmente na departamento di servicio di cliente di Elmar. Mester trece e siguiente documentonan:

  • Un indentificacion valido (cedula, rijbewijs of paspoort);
  • Un carchi di keur, ariba cual ta para cu e instalacion electrico ta gekeur;
  • Un prueba di propiedad (acta notarial, formulario di Dienst Landmeetkunde en Vastgoedregistratie, departamento di administracion di hipoteca y kadaster (afd. Hypothecaire en kadastrale boekhouding).

E siguiente ta aplicabel, si ya tin un conexion y un meter:

  • Mester (laga) kita e nomber riba cual e meter ta registra ;
  • Despues di a kita e nomber di e cliente bieu, e cliente nobo mester acudi pa haci peticion nobo;
  • Ora di haci peticion nobo, bin cu e documentonan manera aki riba menciona.

Si bo cas di huur ta dispone di un conexion pero no di un meter:

  • Busca na servicio di cliente di Elmar un formulario pa peticion;
  • E doño di cas mester yena su parti concerni completamente;
  • Copia di identificacion di e doño di cas (cedula, rijbewijs of paspoort);
  • Entrega e formulario pa peticion completamente yena na servicio di cliente.

Pa mas informacion bo por acudi na Elmar.

 Nomber:

 N.V. Elmar

 Adres:

 Wilhelminastraat 110
 Oranjestad
 Aruba, Caribbean Sea

 Telefon:

 (297) - 523 7100

 Fax:

 (297) - 582 8991

 E-mail adres

 info@elmar.aw 

 Web:

www.elmar.aw

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options