Awa

Na Aruba WEB N.V. (water- en energiebedrijf) ta produci y ta entrega awa. WEB tin un di dos instalacion pa destilacion di awa salo mas grandi di mundo. E awa cu ta sali for di cranchi ta awa puro pa bebe y bo por uz’e sin ningun risico pa bo salud.

Pa haya conexion ariba e red di distrubucion di awa, bo mester pasa personalmente na WEB. Trece e siguiente documentonan cu bo:

1. Si ta trata di un cas di huur:

  • Un indentificacion valido (cedula, rijbewijs of paspoort);
  • Un apoderacion di e doño di cas (huurdo).

2. Si ta trata di compra di un cas:

  • Un indentificacion valido (cedula, rijbewijs of paspoort);
  • Acta di notario di traspaso di e cas.

3. Ora di construi cas:

  • Un indentificacion valido (cedula, rijbewijs of paspoort);
  • Un permiso di construccion aproba pa Servicio di Obra Publico (Departamento di Obra Publico (Dienst Openbare Werken);
  • Un plan di situacion aproba dor di Servicio di Obra Publico (Departamento di Obra Publico (Dienst Openbare Werken)).

Si bo ta bay construi of bo ta laga construi un cas, lo bo tin mester di awa for di cranchi. Pesey ta posibel pa bo haci peticion pa un asina yama “bouwmeter”. Pa agricultura y cria di bestia tin otro regla. Tambe ta posibel pa pidi un extra meter pa por ehempel un apartamento, tuinhuis of un cas cu ta parti. Gasto di un conexion inicial por varia dependiendo di con leu e cas concerni ta keda for di e tuberia mas cercano. Si e tereno di construccion ta keda 250 meter of mas leu for di unda tin tuberia, mita di e gasto ta pa cuenta di esun cu a haci e peticion.

Si bo kier awa for di cranchi ora cu bo ta bay campa, ta posibel pa haci peticion pa un “kampeermeter”. Bo mester acudi personalmente na WEB y hiba cu bo:

  • Permiso pa campa, otorga door di Cuerpo Policial di Aruba (Korps Politie Aruba);
  • Un indentificacion valido (cedula, rijbewijs of paspoort).

E fecha di conexion y desconexion ta e mesun fechanan cu ta para riba e permiso pa campa. Si bo ta desea un otro fecha, bo mester indica esaki ora di haci peticion.

Pa mas informacion (actual) bo por acudi na WEB:

 Nomber:

 WEB Aruba N.V.

 Adres di oficina :

 Balashi 76  

 Postbus:

 Postbus 575, Oranjestad

 Telefon:

 (297) - 525 4600

 Fax:

 (297) - 585 7681

 E-mail adres

 info@webaruba.com

 Website:

 www.webaruba.com

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options