Salida

Ora di bandona Aruba, sea pa semper of temporalmente, por ehempel pa asunto di negoshi, vakantie of pa motibo medico, bo mester di e siguiente documentonan:

  • Paspoort valido;
  • Pasashi valido;
  • Autorisacion di mayornan of voogd si ta trata di un menor di edad cu ta biaha sin su mayornan of voogd.

Ora di bandona Aruba pa bay biba pafor di Aruba mester acudi entre dies pa cinco dia di trabou prome cu e fecha di bo salida na Oficina di Censo(DBSB) pa haci declaracion di bo salida na un empleado publico di Censo.

Ora di saca mercancia for di Aruba, sea temporalmente of permanente, den principio mester declara e exportacion aki na Duana. Ta papia di exportacion temporal, por ehempel, si ta manda e mercancia afo pa drecha, pa exposicion, como monster etc. Despues di tempo, e mercancia ta drenta Aruba bek.

Si un persona kier hiba temporalmente cu ne articulonan costoso (manera camara di video, laptop, computer, radio etc) ora di biaha, pa despues e drenta Aruba bek cu nan, e mester por prueba cu el a sali for di Aruba cu nan. Pa haci esaki e por uza (copia) di e recibo concerni of di un declaracion di procedente for di Aruba otorga door di Duana. Tambe por uza e declaracion di exportacion ariba e formulario ‘Enig Document’.

Un agente di duana (customs broker) por duna asistencia ora di yena un declaracion di exportacion. Bo ta haya agente di duana den e Yellow Pages di e buki di telefon di Aruba.

Si tin obhecion contra e calculacion di derecho di exportacion of contra aplicacion di e tarifa ariba e mercancia pa exportacion, bo por entrega dentro di un luna den carta motiva di obhecion cerca e Inspector di Duana. Den caso cu bo no ta di acuerdo cu e fayo ariba bo carta di obhecion, enventualmente bo por apela dentro di un luna na Conseho di Apelacion di Asunto di Impuesto (Raad van Beroep voor Belastingzaken). Pa mas informacion por tuma contacto cu Douane , departamento di ‘Techniek/Vrijstellingen’.

Prome cu bo salida bo mester pasa na Servicio di Impuesto y Aduana (Servicio di Impuesto) pa regla bo asuntonan di impuesto. Prome cu tur cos bo mester yena y entrega tur formulario di declaracion di impuesto di entrada te cu e fecha di bo salida personalmente na e balie di informacion. E formularionan mester tin como anexo e documentonan original manera lista di entrada anual, statement di banco etc. Inspector ta husga si berdaderamente bo mester yena e formularionan di declaracion di impuesto riba entrada. Si bo tin solamente como entrada un sueldo (di un solo doño di trabou) y e sueldo bruto ta keda bou di Awg. 50.000,-, bo no ta obliga di yena e declaracion. Ademas bo mester presenta (riba peticion) un Registracion cambio di adres – pafor di Aruba di Oficina di Censo y Registro Civil (Bevolking). E registracion aki, cu bo por pidi un par di siman caba, prome cu bo salida na Oficina di Censo, bo mester tambe si eventualmente bo ta bai pidi bo deposito na DIMAS bek. E formularionan di declaracion di impuesto ariba entrada cu bo mester entrega ainda, mester ta entrega por lo menos seis siman prome cu bo fecha di salida na Servicio di Impuesto y Aduana (completo cu declaracion di sueldo di bo doño di trabou, yena te cu e fecha di bo retiro). E empleado publico cu ta trata bo caso lo palabra al instante ki dia bo aanslagnan di impuesto riba entrada y bo prima di AOV /AWW y AZV lo keda cla y cu bo por pasa busca nan. Cu e informacion aki bo por pasa na caha di Servicio di Impuesto y Aduana (Belastingdienst) pa caba di atende bo asunto.

Den caso cu no tene e termino menciona den consideracion, lo no por regla bo eventual restitucion di impuesto prome cu bo salida. Bo mester laga un autorisacion of un cuenta di banco atras na unda por deposita bo placa.

Solamente despues di tur esaki, Servicio di Impuesto y Aduana ta duna bo un carta di salida. Mester presenta e carta aki, si pidi pe, ora di haci e peticion pa haya eventualmente e deposito bek cu bo a paga na Departemento di Integracion, Manheo y Admission (DIMAS). Mester mustra e carta di salida tambe na empleadonan di inmigracion na aeropuerto of waf ora cu bo ta bandona Aruba. 

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options