Importacion di mercancia ora di biaha

Bo ta topa Douane (Departamento di Aduana) ora cu bo a caba di pasa inmigracion y bo a busca bo ekipahe.

Dispensacion di derecho di importacion

Den principio bo mester paga derecho di importacion ora di importa mercancia na Aruba. Bo ta declara bo ekipahe verbalmente. Por lo demas tur pasahero cu ta yega Aruba por importa e siguiente mercancianan sin paga derecho di importacion:
 

Sigaria  200 pida
Siga  25 pida
Cigarillo’s  50 pida
Tabaco  250 gram
Bebida destila  1 liter
Biña  2,25 liter
Cerbes  3 liter
Otro mercancia  Cu un valor riba recibo te cu Awg. 400,-


Si surpasa e cantidad aki riba menciona, bo mester declara (verbalmente) e mercancia y paga derecho di importacon y/of di accijns. Si bo no declara e mercancianan aki, Douane por confisca nan y eventualmente bo mester paga boet.

Importacion di siguiente mercancianan no ta permiti of ta estrictamente restringi: 

  • Producto di carni;
  • Mata;
  • Remedi;
  • Aparato di telecomunicacion;
  • Bestia (di cas);
  • Arma (di candela);
  • Droga.

Pasahero cu ta bin di exterior y cu no ta bin biba na Aruba por importa temporalmente mercancia uza (por ehempel paña, un camara of un laptop) pa uzo personal sin paga derecho di importacion.

Placa y papel di balor (accion)

Tene cuenta tambe cu bo ta obliga di declara suma di placa of papelnan di balor (travelcheque) di Awg. 20.000,- of mas.
Despues bo mester yena e formulario di MOT. Esaki ta obtenibel na e loket di Departamento di Aduana na Aeropuerto. Placa y papel di valor den placa stranhero tin cu rik na florin Arubiano.

Tene cuenta
Mester declara tambe ora bo no ta doño di e placa of papel di balor, pero ta transporta esaki pa otro hende.

Delito
Si bo ta transporta mas di Awg. 20.000,- na placa y papel di balor y bo no declara esaki of haci un declaracion falso, bo ta risga pa haya un castigo di prison y boet. Ademas Departamento di Aduana por confisca e placa of papelnan di balor.

Calculacion balor di importacion (invoerwaarde)

Si bo mester paga derecho di importacion pa articulo for di afo cu bo trece como ekipahe pa Aruba, Departamento di Aduana mester calcula e balor di importacion di e articulonan.

Departamento di Aduana ta uza como punto di salida e balor di factura di e articulonan

Balor di factura
Balor di e factura ta e costo di prijs di un articulo ora di importacion. Mayoria di biaha e ta e prijs di articulo cumpra, incluyendo e sales tax paga.

Balor di importacion
Balor di importacion (tambe conoci como e CIF import value of customs value) ta e balor di e factura di un articulo mas un toeslag pa gasto di carga of di seguro. Ta pone e toeslag aki door cu productonan aki ta subi di balor door di transporte y seguro.

Porcentahe toeslag
Pa calcula e toeslag Departamento di Aduana ta uza un cierto porcentahe. Con halto e porcentahe ta, ta depende di e pais of luga unda bo a cumpra bo productonan. Den e siguiente resumen por haya e diferente porcentahe pa calcula  e toeslag.

Porcentahe toeslag pa gasto di carga y seguro
Norte America, America Central y Sur America,
​Cu excepcion di Colombia y Venezuela
16,5%
Colombia, Venezuela y Islanan den Caribe 11,5%
Europa y demas pais 21,5%

Conversion den florin Arubiano
Departamento di Aduana lo converti e balor di importacion den florin Arubiano
Departamento di Aduana ta uza como taza di cambio pa converti dollar Mericano na florin Arubiano: US$ 1.00 = Afl. 1,80.

Depues di calcula e balor di importacion (den florin Arubiano) Departamento di Aduana lo calcula e derecho di importacion cu mester paga.

Calculacion derecho di importacion

Si bo tin 16 aña of mas, banda di e cantidad e bebida alcoholico cu bo por trece liber di derecho di importacion), bo por trece tambe como ekipahe articulonan liber di derecho di importacion na un balor conhunto di Awg. 400,- na.

Si bo drenta cu un articulo cu tin un balor di factura di mas di Awg. 400,-, bo no ta haya dispensacion. Den e caso aki no lo disconta for di e Awg. 400.00.

Pa calcula derecho di importacion cu mester paga, Departamento di Aduano lo calcula prome e balor di importacion (tambe conoci CIF import value of customs value).

Ehempel calculacion derecho di importacion

Bo a cumpra un laptop na Merca pa US$350.00 (Inc. Sales tax). Balor di factura ta US 350.00.

Un laptop ta cay bou di e categoria di producto: electronica
Den e caso aki e tarifa di derecho di importacion ta: 12%

Departamento di Aduna ta calcula e derecho di importacion cu mester paga na e siguiente manera:

Balor di factura di e laptop
Toeslag 16,5%
Balor di importacion na US$
US$ 350.00
US$ 57.75
US$ 407.75
(350 x 16,5%)
Balor di importacion den florin Arubiano Awg. 734,00* (407.75 x 1,80)
Mester paga na derecho di importacion   Awg. 88,10* (734 x 12%)
* cifra ‘afgerond’

Restitucion di derecho di importacion di ‘sales tax’
Si bo por demostra cu bo a haya e sales tax bek, e ora ey bo por entrega un peticion pa haya restitucion di e derecho di importacion riba e cifra di e sales tax. Den e caso aki por entrega e petición na Departamento di Aduana.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options