Cambio di adres

Tur hende cu ta muda tin e obligacion di duna esaki di conoce na Censo di esaki, cinco dia prome of cinco dia despues di a muda.

No ta permiti pa muda pa un adres (cas) sin permiso previo di e doño di cas of e cabes di famia. Den caso di duda, e hefe di Censo por exigi pa e persona concerni entrega prueba cu e tin permiso di e doño di cas of di e cabes di famia pa muda pa su adres.

Si acaso un persona ta muda pa un adres den exterior, e mester haci notificacion di esaki na Censo, entre dies pa cinco dia di trabou prome cu e biaha. Den caso cu e ta muda pa un adres na Hulanda of Antiya Hulandes, e lo haya un notificacion di mudansa pa hiba cune.

Pa cumpli cu bo obligacion pa duna cambio di adres (mudansa) conoce, bo mester trece e sigiuente documentonan cu bo:

  • Ora ta trata un mudansa na Aruba mes; e autorisacion di e doño di cas of cabes di famia di e adres nobo;
  • Ora ta trata bo obligacion di notifica bo mudansa pa exterior; bo mester trece bo paspoort;
  • Bin cu un documento di identificacion valido, pa bo por haya e declaracion of notificacion di mudamento.
Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options