Marina Real

Comandante marina real den region di Caribe

Na un distancia di alrededor di 8000 kilometer leu di Hulanda, ta existi e parti Caribense di Reino Hulandes. Aki tin staciona mas o menos 800 militar y funcionarionan civil di defensa riba e islanan Corsou, Aruba y St.Maarten.

E militarnan ta staciona den area di Caribe pa ehecuta tres tarea  importante:

Defensa di teritorio di Reino

Presencia di e militarnan den e parti Caribense di Reino ta un impedimento pa esnan cu ta desea di viola e integridad teritorial.

Actualmente Reino Hulandes no tin enemigo y no ta den guera cu otro pais. Pero no obstante ta necesario mantene presencia di e militarnan pa preveni cu organisacionnan criminal  ta uza nos teritorio como e luga for di cual nan ta dirigi of expande nan operacion.

Stabilidad y Orden Huridico

E militarnan ta mantene stabilidad y orden huridico den Caribe.

Nan ta ehecuta operacionnan contra traficacion di droga, yuda cu inspeccion di pesca y raporta delitonan contra medio ambiente. Door di esaki nan ta haya nan mes regularmente ta traha cu otro militarnan y warda costa di diferente nacionalidad. Tambe nan sa train y haci ehercicio cu militarnan y warda costa di paisnan den region. Esaki ta promove e relacion entre e diferente paisnan den Caribe.

Asisti autoridad civil

Militarnan ta asisti autoridad civil, manera polis of  aduana ora nan pidi esaki.

Esey nan ta haci ora di sostene e ley pero tambe ora di combati calamidad. Tambe nan por duna asistencia humanitario den caso di pasada di horcan of un tormenta tropical.

Marinierskazerne Savaneta

E Comandante di Marina Real di Caribe tin diferente unidad pa ehecuta e tareanan menciona. Asina tin e barconan staciona: ‘In de West’ y ‘Zr.Ms.Pelikaan. Tambe tin unidadnan cu ta specialisa pa opera den areanan maritimo, na frontera di awa y tera: e asina yama soldaatnan di lama di e Cuerpo di Marinier.

Marinierskazerne Savaneta ta estableci na Aruba. Aki tin e escuadron di mariniernan estableci.  Nan ta train constantemente pa asina nan ta cla para na cualkier momento pa duna asistencia militar of asistencia humanitario por ehempel den caso di pasada di horcan, cual ta sosode frecuentemente:

  • Durante herfst di 2016 e mariniernan a sali pa Haïti pa duna ayudo di emergencia ora horcan Matthew a pasa.
  • Durante herfst di 2015 e mariniernan a brinda asistencia di emergencia na Dominica cu e pasada di tormenta tropical Erika.
  • Durante herfst di 2010 Haïti a sufri hopi daño  pa via di e temblor y e mariniernan tawata e prome nan n’e sitio pa brinda asistencia.
  • Durante zomer di 2016 tawata tin un lantamento di e presonan den KIA. A activa e mariniernan pa tuma encargo di e siguridad y proteccion pafo di e prizon.
  • Durante e winter di 2015 tawata tin lantamento chikito entre e presonan na KIA pa cual motibo e mariniernan a tuma encargo di e siguridad y proteccion pafo di e prizon.

E Milicia Arubiano tambe ta haya nan preparacion na Marinierskazerne Savaneta. E milicia ta consisti di hobennan masculino cu ta bon getrain y ta para pa stabilidad y siguridad riba e isla. Na Marinierskazerne tambe tin e proyecto ‘ Formacion Social’. E proyecto aki ta pa hobennan cu tawata tin un mal comienso den bida y via di e proyecto aki ta haya un di dos oportunidad den bida.

Tambe e punto di apoyo di Warda Costa Caribense ta estableci na Marinierskazerne Savaneta. 

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options