Censo ta modernisa su sistema di servicio (gearchiveerd)
ORANJESTAD - Oficina di Censo y Registro Civil pronto ta bay dispone di e sistema Key2PIVANOBO pa optimalisa e servicio na tur cliente.
Den cuadro di e inovacion aki e acostumbrado servicio lo por keda afecta pa interupcionnan imprevisto. Tambe lo bay tin un curso pa e personal relaciona cu e transicion di e sistema PIVA/NOBO pa Key2PIVANOBO. Relaciona cu e curso e oficina di Censo lo ta cera pa publico dia 2 y 3 di maart proximo, parti mainta.
Hefe di Censo y Registro Civil ta pidi su disculpa di antemano pa cualkier inconveniencia cu e situacion por trece cune y ta spera cu tur hende por demostra e comprension necesario.
Di su banda Censo ta garantisa e comunidad Arubiano cu den futuro e departamento aki lo ta cla pa duna un servicio mas optimal y moderno na tur su clientenan.
