Construccion di hotel Ritz-Carlton na Aruba (gearchiveerd)
ORANJESTAD – Aruba lo tin aki tres aña un hotel di Ritz-Carlton cu treshen kamber luhoso pa acomoda turista. E hotel lo ta situa banda di Fisherman’s Hut na Malmok.
Gobierno di Aruba a yega na un acuerdo cu e desaroyadornan y e doñonan di e cadena di Marriott cu mayoria di trahadornan durante e fase di construccion lo ta hendenan local.
E beachnan lo keda accesibel pa hendenan local y e piscadornan por sigui mara nan boto tambe eybanda. Otro palabracion ta cu e desaroyadornan lo carga tur gasto pa e infrastructura banda di e hotel.
Despues di su apertura e hotel di cinco streya lo duna empleo na personanan local den tur funcion.
Tanto Gobierno di Aruba como e doñonan di e cadena di Marriott a expresa cu nan ta consciente cu pa logra un desaroyo sostenibel, lo mester tin un balance entre medioambiente y turismo. Un desaroyo sostenibel ta importante pa tur generacion den futuro.
