Suspension remedi Reductil 10 mg y 15 mg (gearchiveerd)
ORANJESTAD - Inspeccion di Remedi ta informa cu a suspende e distribucion di e remedi REDUCTIL (SIBUTRAMINE) na Aruba.
E motibo di e suspension ta cu a base di resultadonan di e estudionan haci na Europa riba Sibutramine Cardiovascular OUTcomes (SCOUT) a demostra cu e beneficionan ta hopi menos compara cu e riesgonan.
E fabricante Abbott N.V. na Hulanda, conhuntamente cu CBG (College ter Beoordeling van Geneesmiddelen), CHMP (Comité voor Geneesmiddelen voor mensen), EMA (Europese Geneesmiddelen Agentschap) y IGZ (Inspectie voor de Gezondheidszorg) a dicidi pa suspende e permit pa benta di tur remedi cu ta contene SIBUTRAMINE.
Di su banda Inspeccion di Remedi na Aruba ta pidi tur persona cu ta bou tratamento di REDUCTIL, pa tuma contacto mas pronto cu ta posibel cu e dokter cu a receta e remedi of cu nan Boticario.
