Servicio di caha na Impuesto ta habri non-stop 1 – 16 di februari (gearchiveerd)
ORANJESTAD – Durante e periodo di 1 te cu 16 di februari e servicio di caha na Servicio di Impuesto lo ta habri non-stop.
E servicio di caha na e oficina principal na Camacuri y tambe esnan den districto di San Nicolas, Santa Cruz, Savaneta y Paradera lo no cera merdia relaciona cu e dianan druk di pago mensual di impuesto y pago di impuesto di vehiculo di motor.
E oficina principal na Camacuri ta ofrece servicio di caha for di 7.45 am te cu 3.30 pm non-stop. Na e oficinanan di Gobierno na San Nicolas, Savaneta, Santa Cruz y Paradera e servicio di caha lo ta di 8.30 am te cu 2.45 non-stop.
Dia 16 di februari ta e ultimo dia pa paga impuesto di vehiculo di motor, loonbelasting, BBO etc y ta recomenda tur hende pa no warda te na ultimo pa bin haci pago. Warda te na ultimo ta nifica para den rij largo y e tempo di espera tambe ta bira mas largo.
