Aplicacion pa aña escolar 2010/2011 (gearchiveerd)
ORANJESTAD – Dia 4 y 5 di februari proximo por aplica pa cupo na scol preparatorio y scol basico di Enseñansa Publico.
Mayornan por haci e aplicacion na e scolnan den e districtonan unda nan ta biba. Pa San Nicolas por inscribi na e scolnan preparatorio Fontein, Pieter Boer y Sabana Basora. Scolnan basico pariba di brug ta Scol Basico Hilario Angela y Pieter Boer.
Na Santa Cruz por aplica pa cupo na Scol Preparatorio y Basico Conrado Coronel cu ta situa na Morgenster.
Pa districtonan di Noord y Oranjestad por inscribi na e scolnan preparatorio Washington na Noord y Arco Iris na Oranjestad. Scolnan basico cu ta cay bou di Enseñansa Publico pa districtonan di Noord y Oranjestad ta Washington, Reina Beatrix y Kudawecha.
Ora di inscribi mester trece buki di casamento of un acto di nacemento, papel valido di Censo, buki di vacunacion di e mucha, permiso valido di e alumno den caso cu ta trata di un mucha stranhero y carchi di AZV.
E orario pa aplicacion ta di 8 or pa 10 or di mainta dianan 4 y 5 di februari na e scolnan menciona.
