Preparacion pa presupuesto 2010 y 2011 (gearchiveerd)
ORANJESTAD – E preparacionnan pa traha e presupuesto pa 2011 a cuminsa caba, segun presidente di Parlamento drs. Andy Lee.
Apesar cu Parlamento di Aruba no a trata y aproba e presupuesto 2010 ainda, Gobierno y Parlamento a cuminsa haci preparacionnan pa traha e presupuesto 2011. Esaki mester ta entrega na Parlamento prome cu 1 di september proximo.
Parlamento lo desea mas diligencia di parti di Gobierno pa tratamento di presupuesto di pais Aruba p’asina e servicio cu mester brinda comunidad no keda afecta.
Tambe Parlamento lo acerca Gobierno p’e haci lo maximo pa entrega e cuentanan anual atrasa pa Parlamento por aproba nan.
