Anochi informativo pa interesadonan na IPA (gearchiveerd)
ORANJESTAD – Dia 11 di februari lo tin un anochi informativo y oportunidad pa inscribi pa studia na IPA.
Interesadonan cu ta desea pa sigui un estudio pa bira maestro pa enseñansa preparatorio of primario por asisti na un anochi informativo na Instituto Pedagogico Arubano. Lo duna tur informacion tocante e estudio y e pruebanan cu un persona lo mester haci. IPA ta ofrece e posibilidad di estudio na personanan cu tin un diploma di HAVO, VWO of MBO nivel 4 of equivalente.
Ariba e mesun fecha aki, esta 11 di februari entre 7 or y 8 or di anochi e candidatonan por inscribi na IPA mes na San Nicolas pa sigui un estudio di maestro.
