Proyecto di informacion na Departamento di Legislacion (gearchiveerd)
ORANJESTAD - Den presencia di ministro di Husticia mr. drs. Arthur Dowers a duna inicio na e ultimo parti di e proyecto pa maneho di informacion na Departamento di Legislacion y Asunto Huridico.
E departamento ta realisando un proyecto pa profesionalisa y automatisa e organisacion cu ayudo di ITP Caribbean y SQL Integrator. Dia 18 di januari a duna inicio na un parti di e proyecto cu ta yama “Document Management Systeem” pa mehora e suministro di informacion interno den e departamento. Cu ayudo financiero di Fondo Desaroyo Aruba ta bay mehora henter e infrastructura di ICT di e departamento di Legislacion y Asunto Huridico. Despues cu henter e proyecto ta cla, e departamento lo ta dispone di procesonan cu ta permitie duna un mihor servicio. E procesonan lo ta forma parti di un organisacion administrativo cu un mihor control interno.
Lo tin un registro completo y actualisa di tur producto di legislacion, hurisprudencia local y documentonan interno. Tur esaki lo mester beneficia e suministro di informacion na tur esnan interesa.
